«Əleýmettik meditsinalyq saqtandyrý qory» KEAQ basqarma tóraǵasy Aibatyr Jumaǵulov dárigerlerge ústemeaqy berýge qansha qarajat qarastyrylǵanyn aityp berdi, dep habarlaidy QazAqparat.
«Koronavirýs boiynsha qyzmetterdi óteý úshin Áleýmettik meditsinalyq saqtandyrý qory bólgen qarajattan densaýlyq saqtaý basqarmalary naýryz aiynda 17 425 meditsinalyq qyzmetkerge 3 mlrd 371,2 mln teńge tóledi. Bul somanyń barlyǵy derlik tólendi», - dedi Aibatyr Jumaǵulov Ortalyq kommýnikatsiialar qyzmetinde ótken brifingte.
Onyń aitýynsha, meditsina qyzmetkerleriniń kópshiligi - shamamen 9 myń maman úshinshi topta ústemeaqy alǵan. Oǵan 846 mln teńge jumsaldy.
«Eń kóp soma ekinshi sanat boiynsha tólendi - 7 myńnan astam mamanǵa 1,8 mlrd teńge jumsaldy. Al qaýpi joǵary topta jumys istep júrgen 1,4 myń mamanǵa 717 mln teńge tólendi. Sonymen birge, Áleýmettik meditsinalyq saqtandyrý qorynyń qyzmetkerleri - emhananyń 2,5 qyzmetkeri - 185 mln teńge, 4 myńǵa jýyq jedel járdem brigadalary - 1,2 mlrd teńge kótermeaqy aldy», - dedi spiker.
Onyń aitýynsha, negizgi júkteme Nur-Sultan men Almaty qalalaryna tústi. 3,371 mlrd teńgeniń 1,9 mlrd teńgesi osy eki qalanyń mamandaryna tólendi.
«Ózge óńirlerde de infektsiia juqtyrǵan naýqastar sanynyń artýyn eskere otyryp, sáýir aiynda bólinetin qarajat árine, ózgeredi. Bizdiń boljam boiynsha, ústemeaqy alatyn meditsina mamandarynyń sany eki ese kóbeiýi múmkin», - dedi A. Jumaǵulov.
