Búgingi tańda aýyl sharýashylyǵy operatorlary kóktemgi egis jumystaryna bólingen dizel otynynyń ailyq kóleminiń 19,4 paiyzyn igerdi, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
Kóktemgi dala jumystaryn júrgizýge barlyǵy 390 myń tonna dizel otynyn bólý josparlanǵany belgili. Aqpan-naýryz ailarynda aýyl sharýashylyǵy taýarlaryn óndirýshilerge tiisinshe 10,3 jáne 103 myń tonna bólingen. Osylaisha, Aqmola oblysy naýryz aiyna jospardyń 67%-yn, 14 sáýirdegi jaǵdai boiynsha 7%-yn alǵan. Bul rette dizel otynynyń josparlanǵan barlyq kólemi qolda baryn atap ótý kerek. Ol jergilikti atqarýshy organdar belgilegen aýyl sharýashylyǵy operatorlarynyń ótinimderi boiynsha jiberiledi.
«2020 jyldyń sáýir aiynda 138 myń tonna dizel otynyn bólý josparlanǵan. Alaida búgingi kúnge tek 27 myń tonna jóneltildi. Bul ailyq kólemniń 19,4% quraidy. Memleket basshysynyń tapsyrmasyn oryndaý maqsatynda Energetika ministrligi aýyl sharýashylyǵy taýarlaryn óndirýshiler úshin dizel otynyn jetkizýge qatysatyn negizgi resýrs ustaýshylarmen keńes ótkizdi. Onyń qorytyndysy boiynsha 2020 jylǵy kóktemgi egis jumystaryn júrgizý úshin dizel otynynyń usynylatyn baǵasy 1 tonnasy úshin 194,0 myń teńgeden (161 teńge/litr) 1 tonnasy úshin 174,0 myń teńgege (144 teńge/litr) (QQS qosa alǵanda jáne FCA-tieý stantsiiasy sharttarynda) deiin 1 sáýirden bastap tómendetildi», - dep habarlaidy ministrlikten.
Sáýirde dizel otynynyń jetkizilýin, saqtalýy jáne operatordyń marjasyn eskere otyryp, baǵa 1 litr úshin 165 teńgeni quraityn bolady.
