Qazaqstanda jyl basynan beri 13 bala terezeden qulap ketken, dep habarlaidy "Ult aqparat" Tótenshe jaǵdailar komitetine silteme jasap.
Elimizde kúrdeli epidemiologiialyq jaǵdaiǵa bailanysty tótenshe jaǵdai jariialanyp, karantin engizilgen. Karantin kezinde kóp bala úide otyr. Bul kezde olardyń ata-anasy qaýipsizdik sharalaryn umytpaýy tiis. Bala úshin úidegi qaýiptiń biri – ashyq tereze.
Osylaisha, 1-28 sáýir aralyǵynda respýblikada kópqabatty úilerdiń terezesinen 7 bala qulaǵan. 2-8 jas aralyǵyndaǵy 5 bala aýrýhanaǵa jetkizildi. Bul oqiǵalar Qaraǵandy (3), Pavlodar (1), Jambyl oblystary (1) men Nur-Sultan qalasynda (2) bolǵan.
Jyl basynan beri kópqabatty úidiń terezesinen 13 bala qulady. Bul oqiǵalar Qaraǵandy oblysy (3), Nur-Sultan qalasy (3), Pavlodar oblysy (3), Almaty qalasy (2), Batys Qazaqstan oblysy (1), Aqtóbe oblysy (1) jáne Jambyl oblysynda (1) oryn alǵan.
