Memleket basshysy Qasym-Jomart Toqaev «Habar» jáne «Habar 24» telearnalaryna bergen suhbatynda Tuńǵysh Prezident Nursultan Nazarbaevpen qarym-qatynasy týraly aitty, dep habarlaidy QazAqparat.
Suhbat júrgizýshisi Vera Zaharchýk «Tuńǵysh Prezidentpen arada qandai da bir kelisim nemese ýaǵdalastyqtaryńyz bar ma? Ol birneshe kún kórinbei qalǵanda, arańyzda birqatar suraqtar boiynsha, basymdyqtar men qol suǵylmaýshylyq, onyń otbasyna artyqshylyqtar boiynsha saýdalastyq boldy degen pikirler bar» degen suraq qoidy.
«Joq, árine eshqandai saýdalastyq bolǵan joq, jeke basymdyqtary týraly da sóz bolmady. Jalǵyz áńgime – Qaýipsizdik Keńesiniń Tóraǵasy mártebesi máselesin tez arada sheshý qajet boldy. Jasyrary joq, jaǵdai kúrdelengen sátte halyqqa úndeý jasaimyn, osy sátten bastap Qaýipsizdik Keńesiniń Tóraǵasy ózim bolatynymdy jariialaimyn degen máseleni ashyq kóterdim. Bul másele sol sátte-aq sheshildi», - dedi Prezident.
Sonymen birge, Memleket basshysy 28 qańtarda Nur Otan partiiasynyń kezekten tys sezi ótkenin eske saldy.
«Men onda sóz sóilep, Nursultan Ábishuly Nazarbaevtyń tarihi róline baǵa berdim. Bul baǵa óte ádiletti dep esepteimin jáne keleshekte adamdar osy sipattamaǵa baǵdarlanady dep úmittenemin», - dedi Toqaev.
