Premer-ministrdiń orynbasary - Saýda jáne integratsiia ministriniń mindetin atqarýshy Serik Jumanǵarin qant tapshylyǵynyń sebepterin zertteitinin aitty, - dep habarlaidy Tengrinews.kz agenttigi.
Jýrnalister Jumanǵarinnen ministr retinde eń aldymen ne isteitinin surady.
"Áleýmettik mańyzy bar azyq-túlik taýarlary týraly aitatyn bolsaq, eń aldymen naryqta azyq-túlikti qoljetimdi etý mindeti tur. Qazir bai elder ekonomikasy tómen elderge qaramaidy, sondyqtan álemdik baǵa ósip jatyr.
Qant tapshylyǵy týyndamas úshin, ainalym shemasyna aitarlyqtai kóp qarajat bóldik. Kóktemgi dala jumystaryna 140 milliard teńge bólingen bolatyn. Ainalym shemasyna 100 milliard teńgege jýyq aqsha bólindi. Nege bul qarajat qant zaýyttaryna jetpegen? Anyq-qanyǵyn aiqyndaý kerek", - dedi ministr.
Sonymen qatar Jumanǵarin elimizde qant ónerkásibin, qant qyzylshasyn óndirýdi damytý kerektigin aitty.
"Qant máselesiniń sheshimine keler bolsaq, Aýyl sharýashylyǵy ministrligi qant ónerkásibin damytýdyń josparyn daiyndap jatyr. Ony áli tolyq oqyp shyqqan joqpyn, jaqyn arada Úkimet otyrysynda bekitiledi.
Álemdik baǵaǵa táýeldi bolmas úshin qant qyzylshasyn ózimizde óndirý kerek.
Biz shikizatty Latyn Amerikasynan, Úndistannan ákelip jatyrmyz. Zaýyttarǵa alǵashqy qarajat berýdi oilastyramyz, sebebi olar Latyn Amerikasy men Úndistannyń qant óndirýshilerimen uzaq merzimdi kelisimsharttar jasaýy kerek. Bul endi alańdamaý úshin jasalady. Meniń mindetim mundai jaǵdailardyń nelikten bolǵanyn túsiný jáne mundai jaǵdailardyń qaitalanýyna jol bermeý", - dep qosty ol.
