QR Saýda jáne integratsiia ministrligi Eýraziialyq ekonomikalyq odaqtaǵy qazaqstandyq taýarlarǵa qoiylǵan kedergilerdi anyqtap, joiý jumystaryn júrgizip jatyr. Bul týraly Saýda jáne integratsiia vitse-ministri Janel Kýshýkova aityp berdi, dep habarlaidy QazAqparat.
«Ministrlik qazaqstandyq taýarlar jolyndaǵy kedergilerdi anyqtaý jáne joiý boiynsha belsendi jumys júrgizýde. Qazirgi ýaqytta tosqaýyldardy joiýdyń rekordtyq oń dinamikasyn atap ótýge bolady. Mysaly, 2016 jyldan bastap biz buryn bolǵan nemese kedergi dep tanylǵan máselelerdiń 83%-yn joidyq. Osylaisha, 66 tosqaýyldy anyqtadyq, olardyń 54-i joiyldy. Saraptamalyq baǵalaýlar boiynsha, biz túzetken tosqaýyldar elimizge shamamen 100 mln AQSh dollaryna eksport ósimin qamtamasyz etedi», - dedi J. Kýshýkova Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, kedendik shekaralar ashylǵanymen, kei elder óz óndirýshilerin EAEO basqa qatysýshylarynyń básekesinen qorǵaýdy jalǵastyryp keledi.
«Kóbinese jasyryn kedergiler básekeniń joǵary deńgeii bar taýarlarǵa qatysty ornatady. Bul árine ekonomikalyq integratsiia ideiasyna qaishy keledi jáne biz munymen kúresemiz», - deidi J. Kýshýkova.
