Memleket basshysynyń Joldaýynda berilgen tapsyrmalardy iske asyrý barysynda QR Saýda jáne integratsiia ministrligi «Keibir zańnamalyq aktilerge birjalyq saýdany damytý jáne jetildirý máseleleri boiynsha ózgerister men tolyqtyrýlar engizý týraly» zań jobasyn ázirledi, dep habarlaidy "Ult aqparat" vedomstvonyń baspasóz qyzmetine silteme jasap.
Saýda jáne integratsiia ministrliginiń Birjalyq saýda basqarmasynyń basshysy Maqsat Tursynbekov túsindirýinshe, zań jobasy negizgi úsh baǵyt boiynsha birjalardy damytýdy kózdeidi.
Birinshiden, taýar birjalarynyń ashyqtyǵyna qoiylatyn talaptar kúsheitiledi. Ekinshiden, jaǵdaidy ózgertýge jáne shyn máninde básekelestik orta men birjalyq saýdany damytý úshin jańa jaǵdailar jasaýǵa eleýli áreket jasaldy. Úshinshiden, birjalyq saýda kólemin ulǵaitý mindeti qoiylyp otyr.
«Birinshi baǵyt boiynsha mynadai is-sharalardy bildiredi: jarǵylyq kapitaldy ulǵaitý; birjalyq saýdanyń biryńǵai qaǵidalaryn bekitý; taýar birjalarynyń eki deńgeili júiesin engizý; taýar birjalary men birjalyq saýdaǵa qatysýshylardyń qarjylyq turaqtylyǵy boiynsha talaptardy belgileý», - dedi tolyqtyrdy Maqsat Tursynbekov.
Onyń iatýynsha, ekinshi baǵyt aiasynda birqatar shara qarastyrylǵan.
«Mysaly birjalyq brokerler men taýar dilerleri úshin olardyń birneshe taýar birjalaryna qatysýyna tyiym salýdy bir mezgilde alyp tastai otyryp, biryńǵai akkreditteý aiqyndalady. Sondai-aq klientterdiń deldalsyz bir rettik kelýshi retinde birjalyq saýda-sattyqqa qatysýǵa qoljetimdiligi kózdelgen. Taýarlar men saýda-sattyqty sektsiialar boiynsha bólý eskeriledi. Budan basqa, ýákiletti organǵa bir saýda sessiiasynda lottyń eń joǵary mólsherin belgileý boiynsha ókilettikter beriletin bolady», - dedi saýda ministrliginiń ókili.
Vedomstvonyń málimdeýinshe, úshinshi baǵyt sektsiia túrine jáne jasalǵan mámileler kólemine bailanysty saralanǵan mólsherlemeler ornatýǵa múmkindik beredi jáne birjada mámilelerdi jasasýdy da, sharttardy oryndaýdy da saqtandyrý quraly engiziledi.
Zańnamaǵa osy tolyqtyrýlardyń barlyǵyn engizý - bul jobany jasaityn qurylym, qoljetimdi etedi jáne birjalyq saýdanyń kólemin arttyrady. Mańyzdy artyqshylyqtar ishinde - «tabiǵi» baǵalardy belgileý jáne jańa seriktesterdi tartý úshin múmkindik jasalatyn bolady, bul básekelestik deńgeiiniń ósýine áser etedi. Turaqty birjalyq salany qalyptastyrý úshin mańyzdy dálelderdiń biri - birjalyq mámilelerdiń ashyqtyǵy, bul jobada da eskerilgen.
«Rásimdik sátterge keletin bolsaq, 2021 jylǵy 27 aqpanda múddeli memlekettik organdarmen jáne uiymdarmen kelisilgen zań jobasy QR Premer-Ministriniń keńsesine engizildi, al 2021 jylǵy 17 naýryzda PMK jobany Prezident Ákimshiligine jiberdi. Budan ári, zańnamalyq erejelerge sáikes, zań jobasy QR Parlamentine engiziledi», delingen habarlamada.
