مەملەكەت باسشىسىنىڭ جولداۋىندا بەرٸلگەن تاپسىرمالاردى ٸسكە اسىرۋ بارىسىندا قر ساۋدا جەنە ينتەگراتسييا مينيسترلٸگٸ «كەيبٸر زاڭنامالىق اكتٸلەرگە بيرجالىق ساۋدانى دامىتۋ جەنە جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ەزٸرلەدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ساۋدا جەنە ينتەگراتسييا مينيسترلٸگٸنٸڭ بيرجالىق ساۋدا باسقارماسىنىڭ باسشىسى ماقسات تۇرسىنبەكوۆ تٷسٸندٸرۋٸنشە, زاڭ جوباسى نەگٸزگٸ ٷش باعىت بويىنشا بيرجالاردى دامىتۋدى كٶزدەيدٸ.
بٸرٸنشٸدەن, تاۋار بيرجالارىنىڭ اشىقتىعىنا قويىلاتىن تالاپتار كٷشەيتٸلەدٸ. ەكٸنشٸدەن, جاعدايدى ٶزگەرتۋگە جەنە شىن مەنٸندە بەسەكەلەستٸك ورتا مەن بيرجالىق ساۋدانى دامىتۋ ٷشٸن جاڭا جاعدايلار جاساۋعا ەلەۋلٸ ەرەكەت جاسالدى. ٷشٸنشٸدەن, بيرجالىق ساۋدا كٶلەمٸن ۇلعايتۋ مٸندەتٸ قويىلىپ وتىر.
«بٸرٸنشٸ باعىت بويىنشا مىناداي ٸس-شارالاردى بٸلدٸرەدٸ: جارعىلىق كاپيتالدى ۇلعايتۋ; بيرجالىق ساۋدانىڭ بٸرىڭعاي قاعيدالارىن بەكٸتۋ; تاۋار بيرجالارىنىڭ ەكٸ دەڭگەيلٸ جٷيەسٸن ەنگٸزۋ; تاۋار بيرجالارى مەن بيرجالىق ساۋداعا قاتىسۋشىلاردىڭ قارجىلىق تۇراقتىلىعى بويىنشا تالاپتاردى بەلگٸلەۋ», - دەدٸ تولىقتىردى ماقسات تۇرسىنبەكوۆ.
ونىڭ ياتۋىنشا, ەكٸنشٸ باعىت اياسىندا بٸرقاتار شارا قاراستىرىلعان.
«مىسالى بيرجالىق بروكەرلەر مەن تاۋار ديلەرلەرٸ ٷشٸن ولاردىڭ بٸرنەشە تاۋار بيرجالارىنا قاتىسۋىنا تىيىم سالۋدى بٸر مەزگٸلدە الىپ تاستاي وتىرىپ, بٸرىڭعاي اككرەديتتەۋ ايقىندالادى. سونداي-اق كليەنتتەردٸڭ دەلدالسىز بٸر رەتتٸك كەلۋشٸ رەتٸندە بيرجالىق ساۋدا-ساتتىققا قاتىسۋعا قولجەتٸمدٸلٸگٸ كٶزدەلگەن. تاۋارلار مەن ساۋدا-ساتتىقتى سەكتسييالار بويىنشا بٶلۋ ەسكەرٸلەدٸ. بۇدان باسقا, ۋەكٸلەتتٸ ورگانعا بٸر ساۋدا سەسسيياسىندا لوتتىڭ ەڭ جوعارى مٶلشەرٸن بەلگٸلەۋ بويىنشا ٶكٸلەتتٸكتەر بەرٸلەتٸن بولادى», - دەدٸ ساۋدا مينيسترلٸگٸنٸڭ ٶكٸلٸ.
ۆەدومستۆونىڭ مەلٸمدەۋٸنشە, ٷشٸنشٸ باعىت سەكتسييا تٷرٸنە جەنە جاسالعان مەمٸلەلەر كٶلەمٸنە بايلانىستى سارالانعان مٶلشەرلەمەلەر ورناتۋعا مٷمكٸندٸك بەرەدٸ جەنە بيرجادا مەمٸلەلەردٸ جاساسۋدى دا, شارتتاردى ورىنداۋدى دا ساقتاندىرۋ قۇرالى ەنگٸزٸلەدٸ.
زاڭناماعا وسى تولىقتىرۋلاردىڭ بارلىعىن ەنگٸزۋ - بۇل جوبانى جاسايتىن قۇرىلىم, قولجەتٸمدٸ ەتەدٸ جەنە بيرجالىق ساۋدانىڭ كٶلەمٸن ارتتىرادى. ماڭىزدى ارتىقشىلىقتار ٸشٸندە - «تابيعي» باعالاردى بەلگٸلەۋ جەنە جاڭا سەرٸكتەستەردٸ تارتۋ ٷشٸن مٷمكٸندٸك جاسالاتىن بولادى, بۇل بەسەكەلەستٸك دەڭگەيٸنٸڭ ٶسۋٸنە ەسەر ەتەدٸ. تۇراقتى بيرجالىق سالانى قالىپتاستىرۋ ٷشٸن ماڭىزدى دەلەلدەردٸڭ بٸرٸ - بيرجالىق مەمٸلەلەردٸڭ اشىقتىعى, بۇل جوبادا دا ەسكەرٸلگەن.
«رەسٸمدٸك سەتتەرگە كەلەتٸن بولساق, 2021 جىلعى 27 اقپاندا مٷددەلٸ مەملەكەتتٸك ورگاندارمەن جەنە ۇيىمدارمەن كەلٸسٸلگەن زاڭ جوباسى قر پرەمەر-مينيسترٸنٸڭ كەڭسەسٸنە ەنگٸزٸلدٸ, ال 2021 جىلعى 17 ناۋرىزدا پمك جوبانى پرەزيدەنت ەكٸمشٸلٸگٸنە جٸبەردٸ. بۇدان ەرٸ, زاڭنامالىق ەرەجەلەرگە سەيكەس, زاڭ جوباسى قر پارلامەنتٸنە ەنگٸزٸلەدٸ», دەلٸنگەن حابارلامادا.
