Búgin Úkimet otyrysynda jeti aidaǵy áleýmettik-ekonomikalyq damýdy talqylaý kezinde QR Saýda jáne integratsiia ministri Baqyt Sultanov kókónis baǵasyna qatysty túsinik berdi, dep habarlaidy QazAqparat.
«Aldymen ishki saýda salasynyń damýy týraly qysqasha aityp ótken jón. Barlyq kórsetkishter oń dinamikany dáleldep otyr. Máselen, saýdanyń naqty kólem indeksiniń kórsetkishi 109,1%-dy qurap, pandemiiaǵa deiingi jyldardyń kórsetkishterinen de joǵary. Osy úrdisterdi rastaityn elektrondyq kommertsiiadaǵy jaǵdaidy aitýǵa bolady. Jyl qorytyndysy boiynsha elektrondyq saýdany 10%-ǵa deiin jetkizý josparlanǵanymen, búgingi kúni osy kórsetkish 12,2%-dy qurady», - Sultanov.
Onyń aitýynsha, áleýmettik mańyzy bar azyq-túlik taýarlarynyń baǵalary jyl basynan beri 10,3 paiyzǵa ósti.
«Maýsymaralyq kezeńde baǵanyń ósýi baiqalatyn kókónister, importqa táýeldi ónimder, sondai-aq joǵary eksporttyq suranysy bar taýarlar eń joǵary ósim kórsetti. Óńirlerdegi qalyptasqan jaǵdai boiynsha, eń joǵarǵy ósim 12 % Túrkistan oblysynda, 11,6% – Nur-Sultan qalasynda jáne 11,4% Qaraǵandy oblysynda tirkeldi. Degenmen sáýir aiynan baiqalǵan baǵalardyń ósimi turaqtanyp, al trendi tómendeýge burylǵanyn kórip otyrmyz. Máselen, kartop baǵasynyń maýsymdyq ósýi sáýir-maýsym aralyǵynda belgilendi. Budan ári, ońtústik aimaqtardaǵy erte pisetin kartoptyń túsimi ulǵaiǵan saiyn, ónimniń baǵasy tómendedi. Eń joǵary ósý sátinen bastap, baǵalar 26%-ǵa nemese 54 teńgege tústi», - dedi ministr.
Tamyz jáne qyrkúiek ailarynda soltústik aimaqtarda ónimniń jappai jinalýy kútilýde, bul ishki naryqty kartoppen tolyqtyrady jáne baǵanyń odan ári tómendeýin yntalandyrady.
«Egin jinaý kezeńinde 577 myń tonna sábiz túsimi kútilýde. Bul sábizdiń baǵasyn edáýir túsirýge yqpalyn tigizedi. Piiaz ben qyryqqabat baǵalarynyń ósýi áli de baiqalady. Málimetterge sáikes, piiaz ben qyryqqabat boiynsha jappai egin jinaý tamyz aiynyń sońy men qyrkúiektiń basynan bastalady. Tiisinshe, baǵanyń tómendeýi tek aǵymdaǵy aidyń sońynda bolady», - dedi Sultanov.
«Biz baǵa turaqtandyrýdyń negizgi quraldaryna taldaý júrgizdik. Nátijeleri óńirlerde turaqtandyrý qorlaryna taýarlardy satyp alýǵa qarajattyń durys bólinbegenin jáne mehanizmdi tiimsiz paidalanýdyń áli de faktileri bar ekenin kórsetti. Biz buryn baiandaǵandai keibir óńirlerde táýekeli joǵary ónimderge mán berýdiń ornyna, baǵalary turaqty taýarlar satyp alynǵan. Mysaly, qarajattyń 37 paiyzdy undy satyp alýǵa jumsaldy. Onyń baǵasy bizde turaqty. Sondai-aq, dástúrli túrde infliatsiia sheginde ǵana qymbattaityn tuz jáne sút ónimderi siiaqty taýarlar satyp alyndy. Ákimdikter qarajatty táýekeli joǵary jáne baǵalary qubylmaly áleýmettik mańyzy bar taýarlarǵa shoǵyrlandyrý qajet», - dedi ol.
