QR Premer-Ministriniń orynbasary – Qazaqstannyń saýda jáne integratsiia ministri Baqyt Sultanov qant jekelegen dúkenderde ýaqytsha bolmaýy múmkin ekenin aitty, dep habarlaidy QazAqparat.
«Sózderdi konteksten julyp alyp, eldi dúrliktirýdiń qajeti joq. Men óz blogymda «Shapaǵat» bazarynda qanttyń bolmaýy týraly naqty suraqqa jaýap bergenmin. Jeke dúkenderde, bazarlarda logistikanyń ózgerýine bailanysty ýaqytsha qant bolmaýy múmkin. Qant óndirisiniń, importynyń jáne tutynýdyń balansy boiynsha bizde esh tapshylyq joq», - dedi Baqyt Sultanov Úkimette ótken baspasóz máslihatynda.
Sonymen birge, ministr qanttyń ortasha baǵasy 432 teńge deńgeiinde ekenin aitty.
Onyń aitýynsha, qant baǵasynyń ózgerýiniń negizgi sebebi – jetkizý logistikasyna bailanysty.
