Foto: QR Saýda jáne integratsiia ministrliginiiń baspasóz qyzmeti
Májilistegi saýda saiasatyn damytý máselelerine arnalǵan Úkimet saǵatynda Saýda jáne integratsiia ministri Arman Shaqqalievke «Altyn Orda» bazarynyń keleshegi týraly suraq qoiyldy, dep habarlaidy Kazinform agenttigi.
«Májilistiń jumys tobynda sizdiń ministrlik jaqynda ǵana aqparat bergen bolatyn. Shymkent, Astana, Almaty qalalaryndaǵy modernizatsiiaǵa jatatyn 16 bazardyń ishinde «Altyn Orda bazary bar ma?» - dep surady depýtat Erbolat Saýryqov.
Ministr «Altyn Orda» bazary Almaty qalasy emes, Almaty oblysynda tirkelgenin eske saldy.
«Jol kartasynda ondai nysan bar. Qazirgi tańda úshinshi úlken kóterme taratý ortalyǵy bolady. Ol jerde eki úlken pavilon salyndy. Bireýi azyq-túlikke arnalǵan. Ekinshisi – azyq-túlik emes taýarlarǵa arnalǵan. Qazirgi tańda kóptegen adamdar kóshede saýda jasai beretinderin aityp otyr. Olarǵa qosymsha tólem tólemei, solai jumys isteý yńǵaily. Kóshede saýda jasaý – bolmaityn format. Saýdagerlerge sony aittyq», - dedi Arman Shaqqaliev.
