فوتو: قر ساۋدا جەنە ينتەگراتسييا مينيسترلٸگٸنٸٸڭ باسپاسٶز قىزمەتٸ
مەجٸلٸستەگٸ ساۋدا ساياساتىن دامىتۋ مەسەلەلەرٸنە ارنالعان ٷكٸمەت ساعاتىندا ساۋدا جەنە ينتەگراتسييا مينيسترٸ ارمان شاققاليەۆكە «التىن وردا» بازارىنىڭ كەلەشەگٸ تۋرالى سۇراق قويىلدى, دەپ حابارلايدى Kazinform اگەنتتٸگٸ.
«مەجٸلٸستٸڭ جۇمىس توبىندا سٸزدٸڭ مينيسترلٸك جاقىندا عانا اقپارات بەرگەن بولاتىن. شىمكەنت, استانا, الماتى قالالارىنداعى مودەرنيزاتسيياعا جاتاتىن 16 بازاردىڭ ٸشٸندە «التىن وردا بازارى بار ما?» - دەپ سۇرادى دەپۋتات ەربولات ساۋرىقوۆ.
مينيستر «التىن وردا» بازارى الماتى قالاسى ەمەس, الماتى وبلىسىندا تٸركەلگەنٸن ەسكە سالدى.
«جول كارتاسىندا ونداي نىسان بار. قازٸرگٸ تاڭدا ٷشٸنشٸ ٷلكەن كٶتەرمە تاراتۋ ورتالىعى بولادى. ول جەردە ەكٸ ٷلكەن پاۆيلون سالىندى. بٸرەۋٸ ازىق-تٷلٸككە ارنالعان. ەكٸنشٸسٸ – ازىق-تٷلٸك ەمەس تاۋارلارعا ارنالعان. قازٸرگٸ تاڭدا كٶپتەگەن ادامدار كٶشەدە ساۋدا جاساي بەرەتٸندەرٸن ايتىپ وتىر. ولارعا قوسىمشا تٶلەم تٶلەمەي, سولاي جۇمىس ٸستەۋ ىڭعايلى. كٶشەدە ساۋدا جاساۋ – بولمايتىن فورمات. ساۋداگەرلەرگە سونى ايتتىق», - دەدٸ ارمان شاققاليەۆ.
