- Qazaqstannyń Saýd Arabiiasyndaǵy Tótenshe jáne Ókiletti elshisi Baqyt Batyrshaevtyń aitýynsha, búginde ol jerde dini bilim alyp júrgen qazaqstandyqtar Islam dininiń barlyq mazhabtaryn oqidy. Olardyń ishinde terrorizmge qatysy bar degen kúdikpen ustalǵandar da bar, dep xabarlaidy Ult.kz tilshisi QazAqparat agenttigine silteme jasap.
Búginde Saýd Arabiiasynda 95 qazaqstandyq stýdent bilim alyp júr. Olardyń basym bóligi Medina islam ýniversitetinde oqidy. «Atalǵan joǵary oqý ornynda tórt mazhabtyń barlyǵy oqytylady. Endi, ol ýniversitetke álemniń túkpir-túkpirinen ǵalymdar kelip, dáris oqidy. Sondyqtan jastardyń teris aǵymda ketip qalý qaýpi bar. Ondai jaǵdailar bar dep aita alamyn. Onyń keibir nyshandaryn biz baiqap ta, kórip te otyrmyz», - deidi B.Batyrshaev.
Elshiniń sózine qaraǵanda, dini bilim alyp júrgen stýdentterdi únemi baqylaýda ustap otyrady. Al keleńsiz jaǵdailar bolsa, tiisti sharalar qolǵa alynady.
«Máselen, biyl terrorizm aiybymen bizdiń jeti azamatymyz ustaldy. Qazir beseýi Qazaqstanǵa qaitaryldy. Bireýi qaitarylý ústinde. Budan bólek, taǵy bir azamatymyzdy terrorizmge qatysy bar degen kúdikpen tergep jatyr. Barlyǵy stýdentterdiń qatarynan», - dep atap kórsetti B.Batyrshaev.
