Saýd Arabiiasynda senbide koronavirýs infektsiiasynyń taralýyn boldyrmaýǵa baǵyttalǵan qatań shekteýler jaǵdaiynda qajylyq bastaldy, dep habarlaidy TASS agenttigi.
Biylǵy qajylyq 17 shildede bastalyp, 22 shildege deiin jalǵasady. Ekinshi jyl qatarynan bul rásimge basqa elderdiń turǵyndary qatysa almaidy.
Qajylyqqa elde bekitilgen vaktsinalarmen koronavirýsqa qarsy eki ekpeni de alǵan 18 ben 65 jas aralyǵyndaǵy koroldiktiń 60 myń azamaty men turǵyny qatysady.
Biyl qajylar sany 10 myń adam qatysqan aldyńǵy jylmen salystyrǵanda áldeqaida kóp.
Koroldik biligi bes kúndik qajylyqqa qarsy jańa sharalardyń arqasynda, 2020 jyldaǵydai, koronavirýs týǵyzǵan aýrýdyń aldyn alýǵa bolady dep úmittenedi.
