ساۋد ارابيياسىندا سەنبٸدە كوروناۆيرۋس ينفەكتسيياسىنىڭ تارالۋىن بولدىرماۋعا باعىتتالعان قاتاڭ شەكتەۋلەر جاعدايىندا قاجىلىق باستالدى, دەپ حابارلايدى تاسس اگەنتتٸگٸ.
بيىلعى قاجىلىق 17 شٸلدەدە باستالىپ, 22 شٸلدەگە دەيٸن جالعاسادى. ەكٸنشٸ جىل قاتارىنان بۇل رەسٸمگە باسقا ەلدەردٸڭ تۇرعىندارى قاتىسا المايدى.
قاجىلىققا ەلدە بەكٸتٸلگەن ۆاكتسينالارمەن كوروناۆيرۋسقا قارسى ەكٸ ەكپەنٸ دە العان 18 بەن 65 جاس ارالىعىنداعى كورولدٸكتٸڭ 60 مىڭ ازاماتى مەن تۇرعىنى قاتىسادى.
بيىل قاجىلار سانى 10 مىڭ ادام قاتىسقان الدىڭعى جىلمەن سالىستىرعاندا ەلدەقايدا كٶپ.
كورولدٸك بيلٸگٸ بەس كٷندٸك قاجىلىققا قارسى جاڭا شارالاردىڭ ارقاسىندا, 2020 جىلداعىداي, كوروناۆيرۋس تۋعىزعان اۋرۋدىڭ الدىن الۋعا بولادى دەپ ٷمٸتتەنەدٸ.
