Birinshi synypta oqytylatyn Saýat ashý pániniń ataýy «Ana tili» dep ózgertiledi. Bul týraly QR BǴM Mektepke deiingi jáne orta bilim departamentiniń direktory Jańyl Jontaeva OKQ brifing barysynda aitty, dep habarlaidy Baq.kz tilshisi.
«Álippege keletin bolsaq, pedagogtar qaýymymen kelise otyryp, ony «nólinshi» synypta oqytý týraly 2016 jyly sheshim qabyldadyq. Qazirgi ýaqytta mektepke baratyn balalar árip tanyp, oqi alady. Sondyqtan, osyndai sheshimge keldik. Birinshi synyptarda Saýat ashý pániniń ornyna «Ana tili» páni oqytylady», - dedi QR BǴM vitse-ministri Elmira Sýhanberdieva.
Al QR BǴM Mektepke deiingi jáne orta bilim departamentiniń direktory Jańyl Jontaeva Saýat ashý páni ataýynyń «Ana tili» dep ózgeretinin jetkizdi.
«Saýat ashý pánin «Ana tili» dep ataý týraly kóptegen usynys kelip tústi. Biz ony qabyldadyq. Endi Saýat ashý ataýy «Ana tili» bolyp ózgertiledi», - dep túsindirdi J.Jontaeva.
