Saýalnamany durys toltyrmaý qasqana aýrý juqtyrýmen teń. Bul týraly QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Karantinnen jaltaratyn adamdar joq desek te bolady. Erterekte kelgen borttar bar jáne biz patsientter júgingen kezde kelýshilerdiń arasynan da virýs juqtyrǵandary anyqtaimyz. Olar mindetti túrde oqshaýlaý rejimi engizilgenge deiin kelgen borttar. Mundai jaǵdaida ol adamdardy izdeýdi jalǵastyramyz. Mindetti túrde bir táýlikke oqshaýlaý barlyǵyn esepke alýǵa múmkindik beredi. Odan keiin olardy izdeýde probelma bolmaidy. Sondyqtan da búgingi kúni bailanysta bolǵandardyń 95 paiyzy oqshaýlanǵan jáne baqylaýymyzda tur»,- dedi ministr vedomstvonyń Facebook-tegi paraqshasynda «Densaýlyq ministrligi habarlaidy...» degen aidarmen jariialanǵan videoda.
Onyń atap ótýinshe, adamdar aýrý belgilerimen júgingen kezde dáriger odan mindetti túrde shetelge barǵan-barmaǵanyn suraidy. Sondai-aq ol elimizge kelýshilerdiń saýalnama toltyrýy mindetti ekendigin basa aitty.
«Jaltarý, naqtyraq aitsaq, saýalnamaly durys - toltyrmaý karantinnen jaltarýmen tek. Mundai tulǵalar aiyppul nemese tipti tutqynǵa alý arqyly jazalanýy múmkin. Eger adam aýrý bolsa jáne mundai táýekeldi bile tura saýalnamany durys toltyrmasa nemese karantinnen jaltarsa, onda bul qasaqana aýrý juqtyrý sanalady jáne qylmystyq qýdalaýǵa ushyraidy», - dedi Eljan Birtanov.
