Astana soty Qairat Satybaldyulyna qatysty úkim shyǵardy. Memlekettik mekeme onyń Qańtar oqiǵasyna qatysy bar-joǵyn túsindirdi, - dep habarlaidy Massaget.kz portaly.
26 qyrkúiekte Astana qalasy Baiqońyr aýdanynyń №2 soty Qairat Satybaldyulyn "Kólik servis ortalyǵy" AQ múlkin jymqyrý jáne "Qazaqtelekom" AQ-na múliktik zalal keltirý deregi boiynsha alty jylǵa bas bostandyǵynan aiyrdy.
"Keibir BAQ málimetinshe, Satybaldyulynyń Qańtardaǵy tártipsizdikterdi uiymdastyrýǵa qatysy bolýy múmkin. Alaida oǵan tergeýdiń bul bóligi boiynsha eshqandai aiyp taǵylǵan joq", - dep túsindirdi baspasóz qyzmeti ókilderi.
Sot óz sheshimin bylai túsindirdi:
- jeńildetetin mán-jailardyń bolýy;
- aýyrlatatyn mán-jailardyń bolmaýy;
- qylmystyq quqyqbuzýshylyqtardy ashýdaǵy belsendi roli;
- kinásin moiyndaý;
- zalaldy óteý;
- Satybaldyulynyń belsendi roli jáne qalǵan qatysýshylardyń qylmystardy ashýdaǵy qosalqy roli.
Eske salaiyq, buǵan deiin Qairat Satybaldyulyna qatysty sot úkimi shyǵyp, ol alty jylǵa bas bostandyǵynan aiyrylǵanyn habarlaǵan edik.
