Aqtaýda úsh balasyn óltirdi degen er adam týraly kútpegen derek aitty, - dep habarlaidy Massaget.kz.
"Koremiz" baǵdarlamasy arnaiy Aqtaý qalasyna baryp, úsh balasyn óltirdi degen kúdikke ilingen er adamǵa qatysty derekter jinaǵan. Baǵdarlama tilshileri dúkendegi satýshyǵa kúdiktiniń sýretin kórsetkende saýdager áiel ony birden tanyǵan. Sebebi kúdikti qaiǵyly oqiǵa bolardan bir apta buryn dúkenge urlyqqa túsken eken.
"Qasynda bir bala bar. Túski as ýaqytynda qyzymdy 10-15 minýtqa dúkenge qoiyp ketken bolatynmyn. Sol aralyqta ekeýi qyzymdy aldap, "ákeńdi tanimyn, qazir ákeńniń telefonyna aqsha aýdaramyn" dep kassadaǵy aqshany alyp ketken. Qyzym qoryqqannan aqshany bere salǵan", - deidi dúkendegi satýshy.
Alaida aqsha urlaǵandar saýdagerdiń sózin jala dep tóbelesip ketken.
"Joldasym syrtta sóilesip turdy. Ekeýi "eshqandai aqsha alǵan joqpyn" dep moiyndamai, joldasym ekeýi sózge kelispei qaldy. Ol qaltasynan pyshaq alyp, joldasyma pyshaq kezedi. Sol jerde turǵan ýchaskelik inspektorlar ajyratyp aldy", - deidi saýdager áiel.
Eske salaiyq, 24 naýryzda jantúrshigerlik jait týraly jariia bolǵan. Aqtaýdaǵy 27-shaǵynaýdanda ornalasqan páterden zorlyqpen ólim belgileri bar kúiinde jasóspirimder tabylǵan. Politsiia qyzmetkerleri 2011, 2014 jáne 2016 jyly týǵan kámeletke tolmaǵan balalardy óltirdi degen kúdikpen 36 jastaǵy ákesin ustaǵan edi.
