Foto: «Qairat» FK
Sloveniianyń Ekipa basylymy Chempiondar ligasynyń irikteý kezeńindegi «Olimpiia» men «Qairat» arasyndaǵy alǵashqy oiyndy sholyp, ásirese 16 jastaǵy shabýylshy Dastan Sátpaevty erekshe atap ótken, dep habarlaidy Ult.kz.
Maqalada oiynnyń ekinshi taimynda «Olimpiianyń» basymdyǵyna qaramastan, «Qairattyń» qorǵanysy myqty bolǵany, «Olimpiia» shabýylda kreativ pen jeke sheberliktiń jetispeýshiliginen jazalanǵany aitylǵan.
59-minýtta Jorjinonyń pasynan keiin Dastan Sátpaevtyń sabyrmen gol soqqany, bul sátte «Stojitse» stadiony únsiz qalǵanyn basylym sholýshysy nazarǵa alǵan. Biraq araǵa kóp ýaqyt salmai, Olimpiianyń Diogý Pintý arqyly esepti teńestirgeni baiandalady.
«Olimpiia» jańa maýsymdaǵy alǵashqy eýropalyq synǵa tap boldy, Qazaqstandyq «Qairatqa» qarsy alǵashqy match teń nátijemen (1:1) aiaqtaldy. Qonaqtar 59-minýtta 16 jastaǵy Dastan Sátpaevtyń arqasynda alǵa shyqty, al Diogý Pintý segiz minýttan keiin esepti teńestirdi. Sloveniia chempiondary sońǵy minýttarda jeńiske jaqyn boldy», – dep jazady basylym.
Qarymta kezdesý 15 shilde kúni Almatyda ótedi. Bul match «Qairat» úshin sheshýshi bolmaq.
