فوتو: «قايرات» فك
سلوۆەنييانىڭ Ekipa باسىلىمى چەمپيوندار ليگاسىنىڭ ٸرٸكتەۋ كەزەڭٸندەگٸ «وليمپييا» مەن «قايرات» اراسىنداعى العاشقى ويىندى شولىپ, ەسٸرەسە 16 جاستاعى شابۋىلشى داستان سەتپاەۆتى ەرەكشە اتاپ ٶتكەن, دەپ حابارلايدى Ult.kz.
ماقالادا ويىننىڭ ەكٸنشٸ تايمىندا «وليمپييانىڭ» باسىمدىعىنا قاراماستان, «قايراتتىڭ» قورعانىسى مىقتى بولعانى, «وليمپييا» شابۋىلدا كرەاتيۆ پەن جەكە شەبەرلٸكتٸڭ جەتٸسپەۋشٸلٸگٸنەن جازالانعانى ايتىلعان.
59-مينۋتتا جورجينونىڭ پاسىنان كەيٸن داستان سەتپاەۆتىڭ سابىرمەن گول سوققانى, بۇل سەتتە «ستوجيتسە» ستاديونى ٷنسٸز قالعانىن باسىلىم شولۋشىسى نازارعا العان. بٸراق اراعا كٶپ ۋاقىت سالماي, وليمپييانىڭ ديوگۋ پينتۋ ارقىلى ەسەپتٸ تەڭەستٸرگەنٸ باياندالادى.
«وليمپييا» جاڭا ماۋسىمداعى العاشقى ەۋروپالىق سىنعا تاپ بولدى, قازاقستاندىق «قايراتقا» قارسى العاشقى ماتچ تەڭ نەتيجەمەن (1:1) اياقتالدى. قوناقتار 59-مينۋتتا 16 جاستاعى داستان سەتپاەۆتىڭ ارقاسىندا العا شىقتى, ال ديوگۋ پينتۋ سەگٸز مينۋتتان كەيٸن ەسەپتٸ تەڭەستٸردٸ. سلوۆەنييا چەمپيوندارى سوڭعى مينۋتتاردا جەڭٸسكە جاقىن بولدى», – دەپ جازادى باسىلىم.
قارىمتا كەزدەسۋ 15 شٸلدە كٷنٸ الماتىدا ٶتەدٸ. بۇل ماتچ «قايرات» ٷشٸن شەشۋشٸ بولماق.
