Foto: KAZENERGY
Energetika ministri Almasadam Sátqaliev Ridder men Astanadaǵy jylý berý júiesi nysandarynyń tozýy jaǵdaiyna qatysty pikir bildirdi, dep habarlaidy QazAqparat.
«Bul nysandar boiynsha óte kúrdeli táýekelder bar. Olarǵa buǵan deiin qarajat az bólingen. Birqatar jylý elektr ortalyǵyndaǵy jaǵdai óte qiyn. Bizdiń endigi mindet – bul nysandardyń jylý berý maýsymyna daiyn bolýy úshin qoldan kelgenniń bárin jasaý», - dedi Sátqaliev Májiliste tilshiler suraǵyna jaýap bere otyryp.
Sonymen qatar ol el óńirlerindegi jylý elektr ortalyqtaryna ne sebepti áli barmaǵanyn aitty.
«Nysandardy aralap shyǵýǵa qatysty tiisti jospar jasaldy. Bul jospar Úkimet basshysynyń orynbasarymen, ákimdiktermen kelisildi. Taiaýda negizgi nysandardyń barlyǵyn aralap shyǵýdy josparlap otyrmyn. Nelikten osy kúnge deiin barmadym? Bul negizinen jóndeý jumystarynyń kestesine qatysty. Iaǵni merdiger uiymdar naqty iriktelgen kezde, atqarylatyn jumysqa jaýaptylar bolǵanda ǵana sapar nátijeli bolady. Bul turǵyda iske asyrylyp jatqan jumys qarqynyn naqty kórýge bolady. Iaǵni olardyń qanshalyqty úlgerip jatqanyna naqty baǵa beremiz», - dedi ministr.
