فوتو: KAZENERGY
ەنەرگەتيكا مينيسترٸ الماسادام سەتقاليەۆ ريددەر مەن استاناداعى جىلۋ بەرۋ جٷيەسٸ نىساندارىنىڭ توزۋى جاعدايىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بۇل نىساندار بويىنشا ٶتە كٷردەلٸ تەۋەكەلدەر بار. ولارعا بۇعان دەيٸن قاراجات از بٶلٸنگەن. بٸرقاتار جىلۋ ەلەكتر ورتالىعىنداعى جاعداي ٶتە قيىن. بٸزدٸڭ ەندٸگٸ مٸندەت – بۇل نىسانداردىڭ جىلۋ بەرۋ ماۋسىمىنا دايىن بولۋى ٷشٸن قولدان كەلگەننٸڭ بەرٸن جاساۋ», - دەدٸ سەتقاليەۆ مەجٸلٸستە تٸلشٸلەر سۇراعىنا جاۋاپ بەرە وتىرىپ.
سونىمەن قاتار ول ەل ٶڭٸرلەرٸندەگٸ جىلۋ ەلەكتر ورتالىقتارىنا نە سەبەپتٸ ەلٸ بارماعانىن ايتتى.
«نىسانداردى ارالاپ شىعۋعا قاتىستى تيٸستٸ جوسپار جاسالدى. بۇل جوسپار ٷكٸمەت باسشىسىنىڭ ورىنباسارىمەن, ەكٸمدٸكتەرمەن كەلٸسٸلدٸ. تاياۋدا نەگٸزگٸ نىسانداردىڭ بارلىعىن ارالاپ شىعۋدى جوسپارلاپ وتىرمىن. نەلٸكتەن وسى كٷنگە دەيٸن بارمادىم? بۇل نەگٸزٸنەن جٶندەۋ جۇمىستارىنىڭ كەستەسٸنە قاتىستى. ياعني مەردٸگەر ۇيىمدار ناقتى ٸرٸكتەلگەن كەزدە, اتقارىلاتىن جۇمىسقا جاۋاپتىلار بولعاندا عانا ساپار نەتيجەلٸ بولادى. بۇل تۇرعىدا ٸسكە اسىرىلىپ جاتقان جۇمىس قارقىنىن ناقتى كٶرۋگە بولادى. ياعني ولاردىڭ قانشالىقتى ٷلگەرٸپ جاتقانىنا ناقتى باعا بەرەمٸز», - دەدٸ مينيستر.
