Instagram jelisinde avtobýs pen mototsikl soqtyǵysqany túsirilgen video tarady. Oqiǵa saldarynan mototsiklshi men onyń jolaýshysy oqiǵa ornynda qaza tapqan, - dep habarlaidy Tengrinews.kz.
Jantúrshigerlik jol apatynyń videosyn Qaraǵandy oblysy politsiia departamenti tergeý bóliminiń bastyǵy Almaz Salamatov Instagram jelisinde jariialap, oqiǵanyń mán-jaiyn aityp berdi.
"Ótken jyldyń 15 mamyrynda Sátbaev qalasynda avtobýs pen mototsikl soqtyǵysqan jol apaty boldy. Oqiǵa saldarynan mototsikl júrgizýshisi men jolaýshysy oqiǵa ornynda qaza tapty. ÁQK 13-taraýynyń 5-tarmaǵyna sáikes, baǵdarshamda keri burylý kezinde kólik júrgizýshisi qarsy baǵyttan túzý nemese ońǵa qarai qozǵalatyn kólikterge jol beredi. Erejeniń bul talabyn avtobýs júrgizýshisi buzǵan", - dedi Almaz Salamatov.
Qylmystyq is Qazaqstan Respýblikasy Qylmystyq kodeksiniń 345-babynyń 4-bóligi "Eki nemese odan da kóp adamnyń ólimine ákep soqqan jol qozǵalysy erejelerin buzý" boiynsha tirkeldi. Ótken jyldyń sońynda Anyqtaý basqarmasy isti sotqa jibergen.
"Byltyrǵy jyldyń jeltoqsanynda Sátbaev qalasynyń soty avtobýs júrgizýshisin kináli dep taýyp, bes jylǵa bas bostandyǵynan aiyrdy. Qaraǵandy oblysynyń politsiia departamenti júrgizýshilerdi taǵy da jol erejesin saqtap, jolda saq bolýǵa shaqyrady", - dep qosty Almaz Salamatov.
