Qazaqstanda shildeniń birinshi jeksenbisinde atap ótiletin Ulttyq dombyra kúnine orai Sátbaev ýniversitetiniń stýdentteri arnaiy beinebaian ázirlep, qazaqtyń rýhani murasyna degen qurmetterin kórsetti, dep habarlaidy Ult.kz.
Mereke dombyra arqyly ulttyq bolmys pen rýhani sabaqtastyqty ulyqtaýdy kózdeidi. Prezident Qasym-Jomart Toqaev bul kúnniń mańyzyn atap ótip: «Dombyra – qazaqtyń jany, ult bolmysynyń ainasy. Ulttyq qundylyqty ulyqtaityn bastamalardy dáripteý qajet», – degen bolatyn.
Stýdentterdiń aitýynsha, bul kún tek mereke ǵana emes, sonymen qatar mádeni tamyrdy sezinip, birlikti tereńnen uǵynýǵa sebep bolady.
