Foto: Informburo
Ulytaý oblysynyń Sátbaev qalasyndaǵy Jezqazǵan kenti taratylady. Resmi qujat ashyq normativtik-quqyqtyq aktiler portalynda jariialandy.
«Ulytaý oblysy Sátbaev qalasynyń ókildi jáne atqarýshy organdarynyń pikirin eskere otyryp, Ulytaý oblysynyń ákimdigi qaýly etedi jáne Ulytaý oblystyq máslihaty ShEShIM QABYLDADY: Jezqazǵan kenti Sátbaev qalasynyń ákimshilik-aýmaqtyq baǵynysyna engizilip, keiinnen eseptik derekterden alyp tastai otyryp, Jezqazǵan kenti taratylsyn»,- delingen resmi qujatta.
Kent Jezqazǵan qalasynan soltústik-batysqa qarai 25 shaqyrym, Sátbaev qalasynan ońtústik-batysqa qarai 5 shaqyrym jerde ornalasqan. Irgesi dúnie júzindegi asa iri Jezqazǵan mys kenin igerýge bailanysty 1907 jyly qalanǵan. 1937 jyldan kent sanalyp keldi.
