Qaraǵandy oblysynda radikaldy dini toptyń is-áreketiniń joly kesildi. Bul týraly QR Ulttyq qaýipsizdik komitetiniń baspasóz qyzmetinen málim etti, dep habarlaidy "Ult aqparat".
«2018 jylǵy 18 shildede Qazaqstan Respýblikasy Ulttyq qaýipsizdik komiteti Qaraǵandy oblysynyń Sátbaev qalasynda radikaldy dini toptyń is-áreketiniń jolyn kesti. Arnaiy operatsiia júrgizý barysynda toptyń 3 múshesi ustalyp, olardan sýyq qarý jáne dini mazmundaǵy materialdar alyndy. Atalǵan tulǵalarǵa lańkestik top qurdy jáne onyń áreketterine qatysty, sondai-aq terrorizmdi nasihattady degen kúdik keltirilýde», - delingen taratylǵan habarlamada.
Málim etilgendei, atalǵan faktiler boiynsha sotqa deiingi tergep-tekserý amaldary júrgizilýde. Basqa málimetter tergeý múddesine orai jariialanbaidy.
