Elordada aldaǵy ýaqytta gaz baǵasy qansha bolýy múmkin? Bul suraqqa Nur-Sultan qalalyq Otyn-energetikalyq kesheni jáne kommýnaldyq sharýashylyq basqarmasy basshysynyń mindetin atqarýshy Ernat Bázil jaýap berdi, dep habarlaidy QazAqparat.
«Qala halqy gaz baǵasy qalai bolatynyn bilgisi keledi. Qala shetindegi turǵyndar kómirdi erikkennen jaǵyp otyrǵan joq. Sol sebepti, gazdyń keleshekte baǵasy qalai bolatynyn bilý kerek. Búgin bul suraq tipti biznes ókilderin de qatty alańdatady. Gazdyń baǵasy naqty qansha bolady?» - dep surady Qoǵamdyq keńes ókilderi búgin elorda ákimdiginde ótken otyrysta.
Saýalǵa jaýap bergen Ernat Bázil gaz baǵasy týraly naqty málimet joq ekenin aitty.
«Shamamen belgilengen baǵa bar. Ol qujatqa Energetika ministri Qanat Bozymbaev budan buryn qol qoiǵan. Ol qujatta 1000 tekshe metr gazdyń baǵasy 46 myń teńge delingen. Bul – aldyn ala baǵa. Al búgingi kúni ministrlik naqty baǵanyń qansha bolatynyn bermei otyr. Eki ret suradyq. Jaýaptary birdei: «Saryarqa» magistrali boiynsha jumys aiaqtalyp, investitsiialyq joba eseptelgennen keiin ǵana gaz baǵasy naqtylanady. Osylai degenimizge úshinshi ai boldy. Dál qazir myń tekshe metr gazdyń baǵasy aiqyndalmai tur. Qandai baǵa belgilense de, aldaǵy bes jylǵa bir-aq bekitiledi. Iaǵni, bes jyl boiy gaz baǵasy kóterilmeidi», - dedi ol.
Eske sala ketsek, «Saryarqa» magistraldy gaz qubyrynyń qurylysy aiasynda Nur-Sultan qalasynda qubyrlardy dánekerleýdiń sońǵy kezeńi aiaqtalǵan bolatyn.
