«Saryarqa» magistraldyq gaz qubyrynyń qurylysy boiynsha jumys keste boiynsha júrgizilip jatyr. Bul týraly Energetika ministrligi Gaz jáne munai-gaz himiiasy departamenti direktory Ziiash Qiiaqbaev aitty, dep habarlaidy QazAqparat tilshisi.
Ziiash Qiiaqbaevtyń aitýynsha, «Saryarqa» magistraldyq gaz qubyrynyń qurylysy jobasyn iske asyrý úshin «AstanaGaz QMG» kompaniiasy qurylǵan. Onyń aktsionerleri – «Samruq-Qazyna» qory jáne «Báiterek» holdingi. Osydan týra bir jyl buryn ekonomikany jańǵyrtý jónindegi memlekettik komissiiada qarjylandyrý shemasy men sharttary bekitilip, joba qurylysynyń jalpy quny 267,3 mlrd teńgeni quraitynyn jetkizdi.
«Qurylystyń bas merdigeri retinde «KazStroiServis» kompaniiasy aiqyndaldy. Ótken jyldyń qarasha aiynda «AstanaGaz QMG» men «QazQurylysServis» kompaniialary arasynda «Saryarqa» magistraldyq gaz qubyryn salý týraly shartqa qol qoiyldy. Búgingi kúni jumysqa 2 myńǵa jýyq maman jáne 900 arnaiy tehnika jumyldyrylǵan. Jalpy, uzyndyǵy 1061,3 shaqyrym bolatyn qubyrdyń 906 shaqyrymyna qubyr ónimderi jetkizildi. Gaz qubyrynyń 885 shaqyrymy nemese jalpy uzyndyǵynyń 83,4 paiyzy dánekerlengen. Dánekerleýdiń ortasha jyldamdyǵy táýligine 6-7 shaqyrymdy quraidy. Qaraǵandy oblysynda 1 dánekerleý brigadasy, Aqmola oblysynda 3 brigada jumyldyryldy», - dedi ol vedomstvonyń alqa otyrysynda.
Departament basshysy gaz qubyrynyń 260-360 shaqyrymdyq ýchaskesinde gidravlikalyq synaq jumystary sátti júrgizilgenin aitty.
«Osy jumystarmen qatar dánekerleý túiisterin jaryq sáýlesinen ótkizý, oqshaýlaý, qubyrlardy transheiaǵa salý, qaita jabý jumystarynyń da qarqyny qyzý. Jalpy, jumys keste boiynsha júrgizilýde. Osy jyldyń jeltoqsan aiynda barlyq nysandardyń qurylysy aiaqtalady. Ol nysandar: magistraldyq gaz qubyry, 5 avtomattandyrylǵan gaz taratý stantsiiasy, gaz ólsheý stantsiiasy jáne baqylaý pýnkti. Iaǵni, magistraldyq gaz qubyry Nur-Sultan qalasyna belgilengen merzimde – osy jyldyń jeltoqsan aiynda jetkiziledi», - dep túidi Ziiash Qiiaqbaev.
