«سارىارقا» ماگيسترالدىق گاز قۇبىرىنىڭ قۇرىلىسى بويىنشا جۇمىس كەستە بويىنشا جٷرگٸزٸلٸپ جاتىر. بۇل تۋرالى ەنەرگەتيكا مينيسترلٸگٸ گاز جەنە مۇناي-گاز حيميياسى دەپارتامەنتٸ ديرەكتورى زيياش قيياقباەۆ ايتتى, دەپ حابارلايدى قازاقپارات تٸلشٸسٸ.
زيياش قيياقباەۆتىڭ ايتۋىنشا, «سارىارقا» ماگيسترالدىق گاز قۇبىرىنىڭ قۇرىلىسى جوباسىن ٸسكە اسىرۋ ٷشٸن «استاناگاز قمگ» كومپانيياسى قۇرىلعان. ونىڭ اكتسيونەرلەرٸ – «سامرۇق-قازىنا» قورى جەنە «بەيتەرەك» حولدينگٸ. وسىدان تۋرا بٸر جىل بۇرىن ەكونوميكانى جاڭعىرتۋ جٶنٸندەگٸ مەملەكەتتٸك كوميسسييادا قارجىلاندىرۋ سحەماسى مەن شارتتارى بەكٸتٸلٸپ, جوبا قۇرىلىسىنىڭ جالپى قۇنى 267,3 ملرد تەڭگەنٸ قۇرايتىنىن جەتكٸزدٸ.
«قۇرىلىستىڭ باس مەردٸگەرٸ رەتٸندە «كازسترويسەرۆيس» كومپانيياسى ايقىندالدى. ٶتكەن جىلدىڭ قاراشا ايىندا «استاناگاز قمگ» مەن «قازقۇرىلىسسەرۆيس» كومپانييالارى اراسىندا «سارىارقا» ماگيسترالدىق گاز قۇبىرىن سالۋ تۋرالى شارتقا قول قويىلدى. بٷگٸنگٸ كٷنٸ جۇمىسقا 2 مىڭعا جۋىق مامان جەنە 900 ارنايى تەحنيكا جۇمىلدىرىلعان. جالپى, ۇزىندىعى 1061,3 شاقىرىم بولاتىن قۇبىردىڭ 906 شاقىرىمىنا قۇبىر ٶنٸمدەرٸ جەتكٸزٸلدٸ. گاز قۇبىرىنىڭ 885 شاقىرىمى نەمەسە جالپى ۇزىندىعىنىڭ 83,4 پايىزى دەنەكەرلەنگەن. دەنەكەرلەۋدٸڭ ورتاشا جىلدامدىعى تەۋلٸگٸنە 6-7 شاقىرىمدى قۇرايدى. قاراعاندى وبلىسىندا 1 دەنەكەرلەۋ بريگاداسى, اقمولا وبلىسىندا 3 بريگادا جۇمىلدىرىلدى», - دەدٸ ول ۆەدومستۆونىڭ القا وتىرىسىندا.
دەپارتامەنت باسشىسى گاز قۇبىرىنىڭ 260-360 شاقىرىمدىق ۋچاسكەسٸندە گيدراۆليكالىق سىناق جۇمىستارى سەتتٸ جٷرگٸزٸلگەنٸن ايتتى.
«وسى جۇمىستارمەن قاتار دەنەكەرلەۋ تٷيٸستەرٸن جارىق سەۋلەسٸنەن ٶتكٸزۋ, وقشاۋلاۋ, قۇبىرلاردى ترانشەياعا سالۋ, قايتا جابۋ جۇمىستارىنىڭ دا قارقىنى قىزۋ. جالپى, جۇمىس كەستە بويىنشا جٷرگٸزٸلۋدە. وسى جىلدىڭ جەلتوقسان ايىندا بارلىق نىسانداردىڭ قۇرىلىسى اياقتالادى. ول نىساندار: ماگيسترالدىق گاز قۇبىرى, 5 اۆتوماتتاندىرىلعان گاز تاراتۋ ستانتسيياسى, گاز ٶلشەۋ ستانتسيياسى جەنە باقىلاۋ پۋنكتٸ. ياعني, ماگيسترالدىق گاز قۇبىرى نۇر-سۇلتان قالاسىنا بەلگٸلەنگەن مەرزٸمدە – وسى جىلدىڭ جەلتوقسان ايىندا جەتكٸزٸلەدٸ», - دەپ تٷيدٸ زيياش قيياقباەۆ.
