Energetika ministri Qanat Bozymbaev "Saryarqa" gaz qubyrynyń qurylysy týraly aityp berdi, dep habarlaidy Sputnik Qazaqstan agenttigi.
"Qazirgi kezde Jezqazǵan qalasyna jaqyn jerde dánerkerleý jumystary atqarylyp jatyr. Osy ýaqytqa deiin qubyrdyń 420 shaqyrymy tartyldy. Bul barlyq jumystardyń - 35 protsenti. Ortasha eseppen bir kúnniń ishinde magistraldiń 7-8 shaqyrymy jasalady. Artynan qubyrdy oqshaýlaý jáne transheiany jabý sharalary júrgiziledi", - dedi Bozymbaev esep berý kezdesýinde.
Ministrdiń aitýynsha, "Saryarqa" gaz qubyrynyń qurylysy qarasha aiyna deiin aiaqtalady.
"Qazirgi kezde magistral qurylysynda 2 200 adam jumys istep jatyr. 700-ge jýyq arnaiy tehnika bar. "Saryarqa" gaz qubyrynyń alǵashqy kezeńi aiasynda Nur-Sultannan bólek 171 eldimekenge gaz tartylady. Sonyń ishinde Qaraǵandy, Temirtaý, Sátpaev, Saran, Shahtinsk pen Jezqazǵan qalalary bar", - dep atap ótti Bozymbaev.
