Túrkistan oblysynyń politseileri zańsyz kóshi-qon uiymdastyrǵan kúdiktilerdi ustady, dep habarlaidy "Ult aqparat".
Keles politsiiasyna jergilikti turǵynnyń birinen habarlama kelip tústi.
Atalǵan habarlamada óńirimizde áldebir adamdar Ózbekstannan zańsyz kelýshilerdi shekaradan ótkizip, aqsha alyp júrgendigi týraly kórsetilgen.
Aqparat alysymen oblystyń tájiribeli politseileri, aýdandyq tártip saqshylarynan arnaiy top quryldy.
Barlyq qajetti jedel is-sharalary júrgizildi, jetkilikti aqparattar jinaqtaldy.
Sonyń nátijesinde Keles aýdanynyń 2 turǵyny Ózbekstan azamatyn shekaradan ótkizbek bolǵan jerinen ustaldy.
Politseiler zańsyz áreket jasaǵan azamattardy tintý barysynda onyń qaltasynan aiǵaqty zat retinde qaǵaz aqshalar tárkilep aldy.
Odan bólek tergeý aiasynda 2 kúdikti turǵyn osy qyzmetteri úshin sheteldik azamattan 20 myń teńge aqsha alǵany anyqtaldy.
Osyǵan orai tártip saqshylary zańdy belshesinen basyp, paida taýyp júrgen 2 kúdiktige qatysty sotqa deiingi tergep tekserý amaldary júrgizilýde.
Onyń ekeýi de shekara aimaǵynda turatyn jergilikti turǵyndar bolyp shyqty.
Atalǵan 2 jas kúdiktige qatysty QR QK 394-baby boiynsha qylmystyq is qozǵalyp, tergeý amaldary júrgizilýde.
Al, shekaradan zańsyz ótken ÓR azamattarynyń is-áreketi QR QK 392-baby boiynsha tirkeldi.
Bul zańsyz áreketke bailanysty politsiia qyzmetkerleri kúdiktilerdiń uiymdasqan túrde qylmys jasaǵanyn senimmen aita alady.
Zań buzýshylar árqaisysy tiesili ózine júktelgen mindetterdi oryndaǵan.
Bireýi shekaradan zańsyz ótkisi keletin adamdardy tapsa, kelesisi tabylǵan adamdy shekaradan jasyryn ótkizip otyrǵan.
Búgingi tańda 2 kúdikti qolhatpen bosatylǵan.
