تٷركٸستان وبلىسىنىڭ پوليتسەيلەرٸ زاڭسىز كٶشٸ-قون ۇيىمداستىرعان كٷدٸكتٸلەردٸ ۇستادى, دەپ حابارلايدى "ۇلت اقپارات".
كەلەس پوليتسيياسىنا جەرگٸلٸكتٸ تۇرعىننىڭ بٸرٸنەن حابارلاما كەلٸپ تٷستٸ.
اتالعان حابارلامادا ٶڭٸرٸمٸزدە ەلدەبٸر ادامدار ٶزبەكستاننان زاڭسىز كەلۋشٸلەردٸ شەكارادان ٶتكٸزٸپ, اقشا الىپ جٷرگەندٸگٸ تۋرالى كٶرسەتٸلگەن.
اقپارات الىسىمەن وبلىستىڭ تەجٸريبەلٸ پوليتسەيلەرٸ, اۋداندىق تەرتٸپ ساقشىلارىنان ارنايى توپ قۇرىلدى.
بارلىق قاجەتتٸ جەدەل ٸس-شارالارى جٷرگٸزٸلدٸ, جەتكٸلٸكتٸ اقپاراتتار جيناقتالدى.
سونىڭ نەتيجەسٸندە كەلەس اۋدانىنىڭ 2 تۇرعىنى ٶزبەكستان ازاماتىن شەكارادان ٶتكٸزبەك بولعان جەرٸنەن ۇستالدى.
پوليتسەيلەر زاڭسىز ەرەكەت جاساعان ازاماتتاردى تٸنتۋ بارىسىندا ونىڭ قالتاسىنان ايعاقتى زات رەتٸندە قاعاز اقشالار تەركٸلەپ الدى.
ودان بٶلەك تەرگەۋ اياسىندا 2 كٷدٸكتٸ تۇرعىن وسى قىزمەتتەرٸ ٷشٸن شەتەلدٸك ازاماتتان 20 مىڭ تەڭگە اقشا العانى انىقتالدى.
وسىعان وراي تەرتٸپ ساقشىلارى زاڭدى بەلشەسٸنەن باسىپ, پايدا تاۋىپ جٷرگەن 2 كٷدٸكتٸگە قاتىستى سوتقا دەيٸنگٸ تەرگەپ تەكسەرۋ امالدارى جٷرگٸزٸلۋدە.
ونىڭ ەكەۋٸ دە شەكارا ايماعىندا تۇراتىن جەرگٸلٸكتٸ تۇرعىندار بولىپ شىقتى.
اتالعان 2 جاس كٷدٸكتٸگە قاتىستى قر قك 394-بابى بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
ال, شەكارادان زاڭسىز ٶتكەن ٶر ازاماتتارىنىڭ ٸس-ەرەكەتٸ قر قك 392-بابى بويىنشا تٸركەلدٸ.
بۇل زاڭسىز ەرەكەتكە بايلانىستى پوليتسييا قىزمەتكەرلەرٸ كٷدٸكتٸلەردٸڭ ۇيىمداسقان تٷردە قىلمىس جاساعانىن سەنٸممەن ايتا الادى.
زاڭ بۇزۋشىلار ەرقايسىسى تيەسٸلٸ ٶزٸنە جٷكتەلگەن مٸندەتتەردٸ ورىنداعان.
بٸرەۋٸ شەكارادان زاڭسىز ٶتكٸسٸ كەلەتٸن ادامداردى تاپسا, كەلەسٸسٸ تابىلعان ادامدى شەكارادان جاسىرىن ٶتكٸزٸپ وتىرعان.
بٷگٸنگٸ تاڭدا 2 كٷدٸكتٸ قولحاتپەن بوساتىلعان.
