Túrkistan oblysynda sý tasqynynan zardap shekken Maqtaaral aýdanyna saryaǵashtyqtar da alǵashqylardyń biri bolyp kómek jiberdi.
Olar kórshiles aýdan turǵyndaryna jalpy quny 1 mln 735 myń teńgeniń gýmanitarlyq kómegin jóneltti, dep habarlaidy "Ult aqparat".
Gýmanitarlyq kómek ishinde azyq-túlik, et, sý, kúrish, un, kartop, piiaz, mai, qanttan bólek, kórpe-tósek, gigienalyq zattar, balalarǵa qajetti keńse taýarlary da bar. Atalǵan zattar Saryaǵash aýdanyna bekitilip berilgen 5 mektepte ornalasqan 700-ge jýyq turǵyndarǵa kúndelikti taratylyp berilýde.
Aýdan ákimi Muhit Otrashiev bastaǵan top birinshi kúnnen bastap-aq adamdar evakýatsiialanǵan jerlerge kelip, 5 mektepti óz qamqorlyǵyna alǵan bolatyn. Búginde atalǵan oryndarda Saryaǵash aýdany ákimdiginiń 30-dan astam memlekettik qyzmetkeri kúndiz-túni tynbai halyqqa qaltqysyz eńbek etýde.
«Maqtaaral aýdanyndaǵy tótenshe jaǵdaidy esti salysymyzben alǵashqylardyń biri retinde kómek berýdi jón kórdik. Ásirese úilerin sý shaiǵan azamattardy qamqorlyǵymyzǵa alýdy oiladyq. Bul igi bastamamyzdy saryaǵashtyq jomart azamattar da birden qoldai ketti. Eń bastysy - adam shyǵyny joq. Jan aman bolsa, basqasynyń bári ornyna keleri sózsiz. Sondyqtan Myrzashól halqyna sabyrlyq pen aýyzbirlik tileimin!»,-deidi Saryaǵash aýdanynyń ákimi Muhit Otarshiev.
Saryaǵashtyqtardyń qamqorlyǵy men qaiyrymdy isterine maqtaaraldyqtar da rizashylyqtaryn bildirýde. Qiyn-qystaý kezeńde kómek qolyn sozǵan azamattarǵa alǵystaryn jetkizdi.
