تٷركٸستان وبلىسىندا سۋ تاسقىنىنان زارداپ شەككەن ماقتاارال اۋدانىنا سارىاعاشتىقتار دا العاشقىلاردىڭ بٸرٸ بولىپ كٶمەك جٸبەردٸ.
ولار كٶرشٸلەس اۋدان تۇرعىندارىنا جالپى قۇنى 1 ملن 735 مىڭ تەڭگەنٸڭ گۋمانيتارلىق كٶمەگٸن جٶنەلتتٸ, دەپ حابارلايدى "ۇلت اقپارات".
گۋمانيتارلىق كٶمەك ٸشٸندە ازىق-تٷلٸك, ەت, سۋ, كٷرٸش, ۇن, كارتوپ, پيياز, ماي, قانتتان بٶلەك, كٶرپە-تٶسەك, گيگيەنالىق زاتتار, بالالارعا قاجەتتٸ كەڭسە تاۋارلارى دا بار. اتالعان زاتتار سارىاعاش اۋدانىنا بەكٸتٸلٸپ بەرٸلگەن 5 مەكتەپتە ورنالاسقان 700-گە جۋىق تۇرعىندارعا كٷندەلٸكتٸ تاراتىلىپ بەرٸلۋدە.
اۋدان ەكٸمٸ مۇحيت وتراشيەۆ باستاعان توپ بٸرٸنشٸ كٷننەن باستاپ-اق ادامدار ەۆاكۋاتسييالانعان جەرلەرگە كەلٸپ, 5 مەكتەپتٸ ٶز قامقورلىعىنا العان بولاتىن. بٷگٸندە اتالعان ورىنداردا سارىاعاش اۋدانى ەكٸمدٸگٸنٸڭ 30-دان استام مەملەكەتتٸك قىزمەتكەرٸ كٷندٸز-تٷنٸ تىنباي حالىققا قالتقىسىز ەڭبەك ەتۋدە.
«ماقتاارال اۋدانىنداعى تٶتەنشە جاعدايدى ەستي سالىسىمىزبەن العاشقىلاردىڭ بٸرٸ رەتٸندە كٶمەك بەرۋدٸ جٶن كٶردٸك. ەسٸرەسە ٷيلەرٸن سۋ شايعان ازاماتتاردى قامقورلىعىمىزعا الۋدى ويلادىق. بۇل يگٸ باستامامىزدى سارىاعاشتىق جومارت ازاماتتار دا بٸردەن قولداي كەتتٸ. ەڭ باستىسى - ادام شىعىنى جوق. جان امان بولسا, باسقاسىنىڭ بەرٸ ورنىنا كەلەرٸ سٶزسٸز. سوندىقتان مىرزاشٶل حالقىنا سابىرلىق پەن اۋىزبٸرلٸك تٸلەيمٸن!»,-دەيدٸ سارىاعاش اۋدانىنىڭ ەكٸمٸ مۇحيت وتارشيەۆ.
سارىاعاشتىقتاردىڭ قامقورلىعى مەن قايىرىمدى ٸستەرٸنە ماقتاارالدىقتار دا ريزاشىلىقتارىن بٸلدٸرۋدە. قيىن-قىستاۋ كەزەڭدە كٶمەك قولىن سوزعان ازاماتتارعا العىستارىن جەتكٸزدٸ.
