Túrkistan oblysynda aqsha bopsalaǵan qylmystyq top quryqtaldy, dep habarlaidy "Ult aqparat" oblystyq politsiia departamentine silteme jasap.
Óńirlik politsiia men ulttyq qaýipsizdik komiteti qyzmetkerleri Saryaǵash qalasyndaǵy «Qaplanbek» shekara ótkizý beketinde uzaq ýaqyt boiy TMD júk tasymaly júrgizýshilerinen 15 myńnan 50 myń teńgege deiin aqsha bopsalaǵan «Saryaǵash» qylmystyq tobyn quryqtady.
«Ózbekstanǵa jol júrgen azamattar aqsha berýden bas tartqan jaǵdaida qylmystyq top olardy qorqytyp, uryp-soǵyp, kóliginiń aldyńǵy áinegin syndyryp, dóńgelekterin tesip ketken. Operatsiia barysynda jedel ýákilder kúdiktilerdi turǵylyqty jerinen ustady. Barlyǵy 13 kúdikti anyqtaldy. Ustalǵandardyń bári - Túrkistan oblysynyń turǵyndary» delingen habarlamada.
Qazirgi ýaqytta atalǵan faktiler negizinde Qylmystyq kodekstiń 194-baby boiynsha sotqa deiingi tergeý júrip jatyr. Kúdiktiler qamaýǵa alyndy.
Aiǵaq retinde qarý, pyshaq jáne aqsha alyndy. Politsiia qyzmetkerleri qylmystyq toptyń basqa da osyǵan uqsas qylmystarǵa qatysy bar-joǵyn anyqtap jatyr.
