تٷركٸستان وبلىسىندا اقشا بوپسالاعان قىلمىستىق توپ قۇرىقتالدى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
ٶڭٸرلٸك پوليتسييا مەن ۇلتتىق قاۋٸپسٸزدٸك كوميتەتٸ قىزمەتكەرلەرٸ سارىاعاش قالاسىنداعى «قاپلانبەك» شەكارا ٶتكٸزۋ بەكەتٸندە ۇزاق ۋاقىت بويى تمد جٷك تاسىمالى جٷرگٸزۋشٸلەرٸنەن 15 مىڭنان 50 مىڭ تەڭگەگە دەيٸن اقشا بوپسالاعان «سارىاعاش» قىلمىستىق توبىن قۇرىقتادى.
«ٶزبەكستانعا جول جٷرگەن ازاماتتار اقشا بەرۋدەن باس تارتقان جاعدايدا قىلمىستىق توپ ولاردى قورقىتىپ, ۇرىپ-سوعىپ, كٶلٸگٸنٸڭ الدىڭعى ەينەگٸن سىندىرىپ, دٶڭگەلەكتەرٸن تەسٸپ كەتكەن. وپەراتسييا بارىسىندا جەدەل ۋەكٸلدەر كٷدٸكتٸلەردٸ تۇرعىلىقتى جەرٸنەن ۇستادى. بارلىعى 13 كٷدٸكتٸ انىقتالدى. ۇستالعانداردىڭ بەرٸ - تٷركٸستان وبلىسىنىڭ تۇرعىندارى» دەلٸنگەن حابارلامادا.
قازٸرگٸ ۋاقىتتا اتالعان فاكتٸلەر نەگٸزٸندە قىلمىستىق كودەكستٸڭ 194-بابى بويىنشا سوتقا دەيٸنگٸ تەرگەۋ جٷرٸپ جاتىر. كٷدٸكتٸلەر قاماۋعا الىندى.
ايعاق رەتٸندە قارۋ, پىشاق جەنە اقشا الىندى. پوليتسييا قىزمەتكەرلەرٸ قىلمىستىق توپتىڭ باسقا دا وسىعان ۇقساس قىلمىستارعا قاتىسى بار-جوعىن انىقتاپ جاتىر.
