Foto: Gov.kz.
QR Prezidenti Qasym-Jomart Kemeluly Joldaýynda óńirlerde investitsiiany arttyrý qajettigin tapsyrǵan bolatyn. Osyǵan orai Túrkistan oblysynda aýyz toltyryp aitarlyqtai jumystar atqarylyp keledi. Máselen, jyl basynan beri Saryaǵash aýdanynda 47,8 mlrd. teńge kóleminde investitsiia tartylyp, jospar artyǵymen oryndalǵan. Bul jaiynda aýdan ákimi Arman Abdýllaev BAQ ókilderimen ótken brifingte málimdedi, dep habarlaidy «Ult aqparat».
«2024 jyldyń 10 aiynda ónerkásip salasynda 23,6 mlrd teńgeniń ónimi óndirilse, jyl sońyna deiin kórsetkishti 32,4 mlrd teńge jetkizý josparlanyp otyr. Al, óńdeý ónerkásibindegi ónim kólemi 15,7 mlrd teńgege jetse, jyl qorytyndysymen 23,6 mlrd teńgege jetkizemiz degen josparymyz bar. Sondai-aq, aýdandaǵy aýylsharýashylyq salasynda 112,3 mlrd teńgeniń ónimi óndirilse, qalǵan 2 aida bul saladaǵy ónim kólemin 137,5 mlrd teńgege jetkizý kózdelgen»- dedi spiker.
Óńirdegi infraqurylym salasynda da birqatar oń sheshimder qabyldanyp, aýqymdy jumystar atqarylǵan. Máselen, aýdandaǵy 4 eldi mekenniń aýyz sý qubyrlaryna qurylys-montaj jumystary júrgizilse, jyl sońyna deiin oblystyq jáne respýblikalyq biýdjet tarapynan 11 eldi mekendi ayz sýmen qamtý jumystary aiaqtalmaq. Al, tabiǵi gazben qamtamasyz etý maqsatynda búgingi tańda 4 eldi mekende qurylys jumystary atqarylyp jatsa, oblystyq jáne respýblikalyq biýdjet arqyly taǵy 10 eldi mekendi tabiǵi gaz júiesine qosýǵa jobalyq-smetalyq qujattary ázirlenýde. Infraqurylym salasynyń taǵy bir mańyzdy tarmaǵy - turǵyndardy sapaly elektr jaryǵymen qamtamasyz etý.
Aýdanda 2024 jyly jalpy uzyndyǵy 6,2 shaqyrymǵa 75 elektr baǵanalaryn, 4 dana transformator ornatý jumystary júrgizilgen. Sondai-aq, 2024 jyly Tegisshil, Aqjar, Jemisti jáne Qyzyljar aýyldyq okrýgteriniń ishki kóshelerine «Aýyl–El besigi» baǵdarlamasy boiynsha jol jóndeý jumystary júrgizilip, kóshelerge asfalt tóseldi. Aýdandyq biýdjetten 2024 jyly 32 kóshege ortasha jóndeý júrgizilse, 41 kóshege shaǵal tas tóseý jumystary aiaqtalǵan.
