Nur-Sultan qalasynyń bas memlekettik sanitar dárigeri Sarhat Beisenova «sary» aimaqta merekeler qalai ótetinin túsindirdi, dep habarlaidy QazAqparat.
«Epidemiologiialyq jaǵdaidy baǵalaý matritsasyna sáikes, elorda 26 qazannan bastap «sary» aimaqqa kirdi. Jeltoqsan merekeleri qarsańynda QR Bas memlekettik sanitar dárigeriniń 2021 jylǵy 24 qyrkúiektegi №44 qaýlysynyń 5-qosymshasy negizinde saltanatty, estelik jáne otbasylyq is-sharalardy (banketter, úilený toiy, mereitoilar) «sary» aimaqta 50%-ǵa deiin, 70 orynnan asyrmai, barlyq kelýshiler men qyzmetkerlerdiń «jasyl» mártebesi bolǵan jaǵdaida ǵana ótkizýge ruqsat etiledi», - dedi Sarhat Beisenova ákimdikte ótken brifingte.
Sonymen birge, spiker qalanyń «sary» aimaqta bolýy QR Bas memlekettik sanitar dárigeriniń tiisti qaýlylarymen belgilengen karantin shekteýlerin joimaitynyn eske saldy.
«Aldaǵy merekeler epidemiologiialyq jaǵdaidyń nasharlaýyna jáne koronavirýs infektsiiasynyń kóbeiýine ákelmeýi kerek jáne bul bizdiń júris-turysymyzǵa jáne aldyn alý sharalaryna tikelei bailanysty ekenin túsingenimiz jón. Sondyqtan qala turǵyndaryn jańa jyldy kishigirim ortada, óz týystarymen birge ótkizýge shaqyramyn», - dedi S. Beisenova.
