Qazgidromet 14 cáýirge arnalǵan aýa raiy boljamyn usynady, dep habarlaidy "Ult aqparat".
Respýblikanyń basym bóliginde áli de aýqymdy antitsiklon yqpal etýine bailanysty, basym bóliginde jaýyn-shashynsyz aýa raiy saqtalynady.
Tek ońtústikte jáne ońtústik-batysynda atmosferalyq frontaldy bólimderdiń ótýine bailanysty kei jerlerde jańbyr, naizaǵai kútiledi. Kei jerlerde tuman, jeldiń kúsheiýi, ońtústikte jáne ońtústik-batysta shańdy daýyl soǵady.
Qyzylorda oblysynyń kei jerlerinde shańdy daýyl kútiledi, túnde kei jerlerde jeldiń kúsheiýi, kúndiz basym bóliginde 15-20 m/s bolady.
Mańǵystaý, Atyraý oblystarynyń kei jerlerinde kúndiz shańdy daýylmen jel 15-20 m/s kúsheiedi. Jambyl, Túrkistan oblystarynda, Almaty oblysynyń Jalańashkol aýmaǵynyń kei jerlerinde jel 15-20 m/s kúsheiýi kútiledi, Jambyl oblysynyń kei jerinde tuman bolady. Aqmola, Qostanai, túnde Pavlodar oblystarynyń kei jerlerinde tuman kútiledi.
Soltústik Qazaqstan oblysynyń kei jerinde tuman kútilip, kúndiz kei jerinde jel 15-20 m/s kúsheiedi.
Qaraǵandy, Shyǵys Qazaqstan oblystarynyń kei jerlerinde jeldiń 15-20 m/s kúsheiýi kútiledi, Shyǵys Qazaqstan oblysynda túnde jáne tańerteń kei jerlerinde tuman bolady.
