Sársenbi elimizde kún raiy ashyq bolady, alaida jel kúsheiedi, dep habarlaidy "Ult aqparat" azgidrometke silteme jasap.
6 mamyrda Qazaqstannyń basym bóliginde antitsiklon áserinen kún raiy ashyq bolady. Respýblikanyń batys, ońtústik jáne shyǵysynda atmosferalyq aǵyndardyń ótýine bailanysty kei jerlerde jańbyr, ońtústikte qatty nóser, shyǵysta túnde jaýyn-shashyn jaýady. Kei jerlerde naizaǵai jarqyldap, jel kúsheiedi. Ońtústikte daýyl, shańdy daýyl kútiledi, burshaq jaýýy yqtimal, soltústikte túnde jáne tańerten tuman túsýi múmkin.
Atyraý oblysynyń kei jerlerinde naizaǵai jarqyldaidy, túnde kei jerlerde, kúndiz oblystyń basym bóliginde jel kúsheiip, jyldamdyǵy 15-20 m/s jetedi.
Jambyl oblysynyń kei jerlerinde naizaǵai jarqyldaidy, burshaq jaýady, jel kúsheiip, 15-20, kúndiz ekpini 23 m/s jetedi.
Túrkistan oblysynyń kei jerlerinde naizaǵai, daýyl, burshaq, jel 15-20 m/s kútiledi.
Qyzylorda oblysynyń kei jerlerinde shańdy daýyl soǵady, jeldyń jyldamdyǵy 15-20 m/s jetedi. Kúndiz kei jerlerde naizaǵai jarqyldaidy. Mańǵystaý oblysynyń kei jerlerinde naizaǵai jarqyldaidy, kúndiz kei jerlernde shańdy daýyl soǵady. Jeldiń jyldamdyǵy 15-20 m/s jetedi. Almaty, Batys Qazaqstan oblystarynyń kei jerlerinde jel keúsheiip jyldamdyǵy 15-20 m/s jetedi. Batys Qazaqstan oblysynyń kei jerlerinde naizaǵai jarqyldaidy. Shyǵys Qazaqstan oblysynda, túnde jáne tańerteń Soltústik Qazaqstan oblysynyń kei jerlerinde tuman kútiledi.
