Elbasynyń biylǵy Joldaýy da eldiń ekonomikalyq damýyna jáne Qazaqstan halqynyń turmysy men ál-aýqtynyń artýyna bailanysty keleli máselelerdi qamtyp otyr. Aitylǵan máselelerdiń bári asa mańyzdy. Sonyń ishinde shaǵyn jáne orta kásipkerlikti damytý, ásirese, aýyl kásipkerligin damytý máseleleri kóńilge qýanysh uialatady. Sebebi, halqymyzdyń 40 paiyzynan astamy aýyldyq jerde turady desek, sonyń ishinde el ekonomikasynyń úlken bir salasy – balyq sharýashylyǵy. Qazirgi kezde balyq ónimderin óńdeý sharýashylyqtaryn damytý kerek. Sebebi, balyq ónimderi eksportqa shyǵarylady, oǵan shet elderde sunranys joǵary.
Prezidenttiń búgingi Joldaýynda aitylǵan bastamalardyń qarjymen negizdelýi aýyldyq jerdegi shaǵyn kásiporyndardy, onyń ishinde aýyl sharýashylyǵy ónimderin óńdeýge úlken serpin beredi degen oidamyn.
Taǵy bir úlken másele – ishki týrizmdi damytý. Elimizde onyń múmkindikteri zor bolǵanymen, biz onyń áleýetin, ókinishke orai, áli tolyq paidalana almai otyrmyz. Sheteldikter elimizdiń ár aimaǵyndaǵy sulý tabiǵatta demalǵysy keledi. Mysaly, tek Atyraý oblysyndaǵy Qurmanǵazy aýdanynyń shekarasyndaǵy Edil ózeniniń Kaspiige quiar saǵasyna Eýropadan, Germaniiadan, Frantsiiadan, Gollandiiadan ańshylar keledi. Búkil Reseidiń balyqshylary keledi. Nege osyny odan ári damytpasqa? Bul qosymsha jumys orny, memleketke qosymsha kiris bolar edi.
Taǵy bir úlken másele – bul áleýmettik sala. Joldaýda Elbasy memlekettiń, úkimettiń jumysy negizgi úsh baǵytta júrýi kerek, áleýmettik sala, infraqurylym, qaýipsizdik máselesi dedi. Sondyqtan, kelesi jyldan bastap, tómengi eńbekaqy mólsheriniń 20 paiyzǵa ósýi halyqtyń kútip júrgen máselesi. 1,5 millionǵa jýyq adamnyń eńbekaqysy kelesi jyldan bastap ósse, onyń úsh júz myńǵa jýyǵy memlekettik qyzmetshiler. Ásirese, kásibi ótili az, jańadan qyzmetin bastaǵan mamandar úshin bul óte úlken qoldaý bolady dep oilaimyn.
Sársenbai EŃSEGENOV,
Parlament Senatynyń depýtaty
