Jelide Ulttyq ulan sarbazynyń balany kóterip turǵan videosy áleýmettik jeli qoldanýshylaryn tánti etti. Tengri Lifestyle tilshileri oqiǵanyń mán-jaiyn anyqtady, - dep habarlaidy Massaget.kz.
Videoda sarbaz kishkentai qyzdy kóterip, tońyp qalmasyn degen oimen ony kapiýshonymen jaýyp qoiady.
"Ulttyq ulan alǵa. Meniń ulymda ulannan jeltoqsanda oralady... Alla amandyǵyn bersin", "Qandai keremet", "Qaryndasyn saǵynǵan ǵoi", "Myna sarbazdyń qamqorlyǵyna min joq, jaraisyń", - deidi Jeli qoldanýshylary.
Redaktsiia tilshileri Ulttyq ulannyń baspasóz qyzmetimen bailanysyp, oqiǵanyń mán-jaiyn anyqtady.
"Sarbaz Sabyrjan Bolatbekuly sýyq asfaltta uiyqtap jatqan balany baiqap, kóterip aldy. Osylaisha, balany tórt saǵattai kóterip turǵan", - deidi vedomstvonyń baspasóz qyzmeti ókilderi.
Sarbazdyń sózinshe, ol balany keshki segiz jarym shamasynda baiqap qalǵan.
"Ol kúni adam kóp boldy. Qazir de tynysh zaman emes. Bala joǵalyp ketken nemese zorlyq kórsetilgen derekter bar. Sondyqtan serjant Damir Halievke eskertip, balany qasymyzda alyp qaldyq. Balany jaqyn jerdegi politsiia beketine aparýǵa múmkindik bolmady", - deidi sarbaz.
Sabyrjan Bolatbekulynyń aitýynsha, kúndelikti ómirde bala joǵalý derekteri kezdesip turady, sondyqtan ol balamen qalai sóilesý keregin biledi eken.
"Jan-jaǵyńa qarailap otyr, ata-anańdy kórip qalatyn shyǵarsyń" dedim. Ol izdep jatyp uiyqtap qaldy. Sahnada bireý balanyń joǵalǵanyn habarlaityn shyǵar dep oiladyq, biraq olai bolmady", - deidi sarbaz.
Balanyń ata-anasy túngi on birden keiin, kontsert aiaqtalǵan soń tabylǵan.
