Parlament Májilisiniń depýtaty Baqytbek Smaǵul «Ardagerler týraly» Zańynyń mańyzdylyǵyna qatysty pikir bildirdi, - dep habarlaidy "Ult aqparat".
Aita keteiik, Memleket basshysy «Ardagerler týraly» Qazaqstan Respýblikasynyń Zańyna qol qoiǵan bolatyn.
«Jeńistiń 75 jyldyǵyna orai jáne sol ýaqytta ómirin qajyrly eńbekke arnap, aýyr stanoktarda turǵan, egin orǵan, iaǵni jastyq shaǵyn maidanǵa baratyn azyq-túlikti qamtamasyz etýge arnaǵan soǵys balalarynyń áleýmettik máseleleri eskerilgen. Aýyr kezeńde olar eki-úsh aýysymda janqiiarlyq jumys istegen. Sonymen qatar, tájik-aýǵan ýchaskesinde TMD-nyń syrtqy shekaralarynyń syrtqy qorǵanysyn kúsheitýge qatysqan, 1968 jyly Chehoslovakiiadaǵy janjaldy retteýge, Taýly Qarabahtaǵy etnosaralyq janjaldy sheshýge, Iraktaǵy bitimgershilik operatsiialaryna qatysqan ulttyq kontingenke kiretin azamattarymyz eskerilip otyr. Memleket pen memleket arasyndaǵy soǵysqa qaraǵanda, azamattyq soǵys óte qaýiptileý. Sebebi, ákesi balasyna, balasy ákesine qarý kóteredi, sondai-aq bilik qoldan-qolǵa ótedi. Árkim óziniń jeke basynyń múddesin oilaidy. Sondai kezderde bizdiń Qazaqstan Qarýly Kúshteri kelisimshartpen tájik-aýǵan shekarasynda boldy. Táýelsiz el retinde bizdiń memleketimiz solardyń qazir áleýmettik máselesin qaraýda», - dedi Baqytbek Smaǵul.
Osy oraida ol Prezident qol qoiǵan «Ardagerler týraly» Zańynyń mańyzdylyǵyn atap ótti.
«Ásker sapynan kóptegen azamattar bas tartýda. Qarýly Kúshterge kim qamqor bolýǵa tiisti? Áskeri adamdar eldiń úlken jaýapkershiligin kóterip júr. Shen úshin emes, el úshin, marapat úshin emes, parasat úshin qyzmet etken azamattarymyzǵa birinshi kezekte memleket qorǵan bolýy kerek», - dedi depýtat.
Sonymen qatar B. Smaǵul Aýǵan soǵysy ardagerleriniń múddelerine qatysty kóp márte saýal kótergenin eske saldy.
«Aldymyzda elimizdiń maqsaty jolynda úlken mindetter tur. Bul turǵyda Qarýly Kúshterine de júktelip otyrǵan jaýapkershilik mol. Biz shyńdalǵan armiiany jasaqtap kelemiz, iaǵni armiia suryptalyp jatyr. Sondyqtan atqarlyp jatqan ister urpaq sabaqtastyǵy turǵysynda jastardy tárbieleý úshin, Qarýly Kúshterdiń bolashaǵy úshin kerek», - dedi depýtat.
Onyń atap ótýinshe, koronavirýs indetimen kúres sharalary aiasynda áskeri qyzmetshilerdiń eńbegi zor.
«Qazir olar blokpostarǵa tartylyp, dezinfektsiia jasap jatyr. Áskerge qyzýǵyshylyqty, Otanǵa degen shynaiy janashyrlyq oianý úshin biz óz Táýelsiz elimizdiń sarbazdaryna táýelsiz kózqaraspen qaraýymyz kerek. Atap aitqanda, kópten kútken zań dep oilaimyn. Endi halyqqa qyzmet etetin normalar qamtylǵan», - dedi Baqytbek Smaǵul.
Munymen qosa ol osy baǵytta zańnamany jetildirý jumystary jalǵasyn tabatynyn atap ótti.
Budan buryn habarlanǵandai, 30 sáýir kúni Parlament Senatynyń jalpy otyrysynda «Ardagerler týraly» Zańy qabyldandy.
Zań jobasynyń negizgi maqsaty – ardagerlerdi áleýmettik qorǵaýǵa bailanysty qoǵamdyq qatynastardy retteitin zańnamalyq aktilerdi júieleý, qaita qaraý jáne ardagerlerdiń jańa sanattaryn qalyptastyrý.
Sonymen qatar, jalpy otyrysta «Qazaqstan Respýblikasynyń keibir zańnamalyq aktilerine áleýmettik qamsyzdandyrý máseleleri boiynsha ózgerister men tolyqtyrýlar engizý týraly» ilespe Zań eki oqylymda qaralyp, qabyldandy.
Ony ázirleý qajettiligi birqatar zańnamalyq aktilerdi «Ardagerler týraly» zań jobasyna sáikes keltirýmen bailanysty. Negizgi jańa ózgerister áleýmettik tólemderge qatysty bolyp otyr.
