Atyraý oblysyndaǵy ortaǵasyrlyq Saraishyq qalashyǵynyń 1741 jylǵy jospary Resei memlekettik áskeri-tarihi arhivinen tabyldy, dep habarlaidy QazAqparat.
Bul týraly Atyraý oblystyq «Tarihi jáne mádeni murany zertteý» ortalyǵynyń jetekshisi Muqambetqali Kipiev habarlady.
Onyń aitýynsha, qundy qujattyń masshtaby - 50, betindegi mátinder HVIII ǵasyrdyń birinshi jartysynda qoldanǵan shapshań jazý úlgisimen berilgen.
«Jospar Saraishyq qalashyǵynyń janynan bekinis salý úshin jasalǵan. Óitkeni, Orynbor komissiiasyn basqarǵan V.Tatishev Jaiyq (Oral) qalashyǵynan tómen aýmaqty qorǵaý maqsatynda qamaldar men bekinister salýdy josparlaǵan. Oǵan áskeri polk jáne dvoriandardy tartý jobasy 1739 jyly maquldanǵan. Dál osy joba aiasynda bul jospar jasalǵan bolýy múmkin», - deidi Muqambetqali Kipiev.
