Saratov oblysynda Qazaqstanmen shekaralas aýdandarda qazaq tili sabaǵy engiziledi, dep habarlanǵan Qazaqstannyń Reseidegi elshiliginiń resmi saitynda.
Saratov oblystyq dýmasynda memlekettik ulttyq saiasat strategiiasyn júzege asyrý máselesine arnalǵan dóńgelek ústel ótken. Jiynda óńirlik bilim ministriniń orynbasary Viktoriia Ýshakovaǵa "Qazaqstan" mádeni ortalyǵynyń jetekshisi Úmithan Jónelbaeva ótinish aitty.
"Shekaralas aýdandarda qazaq tili fakýltativtik sabaqtaryn uiymdastyrý boiynsha kómek berýińizdi suraimyz. Qazaqtar kóp turatyn aýdandarda, oqýshylardyń 30 paiyzyn qazaq balalary quraityn synyptarda ashýǵa múmkindik bar. Biz járdemdesýge daiynbyz. Bizge tek ministrlik osyndai fakýltativ júrgizýge ruqsat berse boldy. Budan bólek, bizge oblystyq dýma kómektesse, biz batysqazaqstandyq mamandardy tartamyz", — dedi Jónelbaeva.
Ýshakova ministrlik bul máselemen ainalysatynyn aityp, qazaq tili sabaqtary qajet eldi mekenderdiń tizimin berýdi surady.
