Ulttyq keńestiń jumysy «halyqqa qulaq asatyn memleket» qaǵidatynyń iske asyp jatqanyn kórsetip otyr. QR Tuńǵysh Prezidenti - Elbasy kitaphanasy Geosaiasat jáne óńirlik zertteýler qyzmetiniń basshysy Qazbek Maigeldinov Ulttyq qoǵamdyq senim keńesiniń 2-otyrysynda kóterilgen usynystarǵa qatysty osyndai pikir bildirdi, dep habarlaidy QazAqparat.
«Jalpy, Ulttyq keńestiń ekinshi otyrysy birinshisinen qaraǵanda birshama salmaqty usynysymen erekshelenip otyr. Úsh aidyń ishinde keńes músheleri kótergen máseleleler tóńireginde Prezident naqty tapsyrmalardy bergen bolatyn. Máselen, alǵashqy otyrysta saiasi bloktyń quramyndaǵy Aidos Sarym bes zańǵa ózgeris engizý boiynsha bastama kótergen edi. Onyń ishindegi qai-qaisynyń da mitingiler týraly zań, saiasi partiialar men sailaý týraly zańnyń da salmaǵy barshylyq. Búgingi ekinshi otyrysta Prezidenttiń ózi saiasi partiialardyń múshelerin tirkeýdi 40 myńnan 20 myńǵa azaitý týraly usynys jasady. Bul – jalpy eldegi kóppartiialy júieni damytý, sonymen qatar saiasi pliýralizm máselesi turǵysynda eń mańyzdy qadamdardyń biri dep esepteimin», - dedi sarapshy.
Onyń aitýyna qaraǵanda, otyrys barysynda qoǵamdaǵy túitkildi máseleleler boiynsha ózge de mańyzdy usynystar túsip, sheshimder qabyldanǵan.
«Aýyl sharýashylyǵy telimderin tiisti paidalanýǵa bailanysty kelesi jyldyń 1 mamyryna deiin pilottyq joba retinde kosmomonitoring qoldaný usynyldy. Sonymen qatar, sheteldik jumysshylarǵa bólinetin kvotalardy 40 paiyzǵa azaitý týraly usynys boldy. Bul ózgeris otandyq jumysshylardyń quqyqtaryn teńestirýde birden-bir ońtaily sheshim dep esepteimin. Sondai-aq, kópbalaly analarǵa bólinetin áleýmettik kómekterdi bala sany boiynsha berý týraly naqty sheshim jasaldy. Sonymen qosa, ekonomikalyq salada Ulttyq bank tarapynan ulttyq valiýtaǵa baǵamdaryn tikelei kórsetý nemese Esep komitetiniń 1 qańtardan bastap memorgandarǵa jasalǵan aýdit nátijesin ashyq portaldarda jariialaý – memlekettiń ashyqtyq saiasatynyń kórinisi deýge bolady», - dedi ol.
Qazbek Maigeldinov aitýynsha, Ulttyq keńestiń jumysy qazirgi tańda «halyq únine qulaq asatyn memleket» qaǵidatynyń iske asyp jatqanyn kórsetip otyr.
«Qazirgi tańda qoǵam tarapynan talaptar kúrt ósip ketti. Sonymen birge, qoǵamnyń memlekettik bilikti qoldaýy turǵysynda suraqtar paida bola bastady. Osy máseleniń sheshimin tabý úshin Ulttyq keńes qurylǵanyn bilesiz. Endigi kezekte úsh aidyń ishinde bul keńestiń ómirsheńdigin kórip otyrmyz. Iaǵni, usynylǵan máseleler birtindep sheshimin taýyp jatyr», - dedi ol.
Eske sala ketsek, búgin Ulttyq qoǵamdyq senim keńesiniń 2-otyrysy ótip, onda QR Prezidenti Qasym-Jomart Toqaev sóz sóiledi.
.jpeg)