QR Prezidenti janyndaǵy Qazaqstan strategiialyq zertteýler institýtynyń bas ǵylymi qyzmetkeri Bolat Áýelbaev Qaýipsizdik Keńesiniń otyrysy týraly pikir bildirdi, dep habarlaidy QazAqparat.
«Halyq arasynda kibise jyldy qiyn jyl dep aitady. Nanym-senim bolsa da, jyl basynda úreili oqiǵalar oryn aldy. Jańa jyldan keiin Irannyń áskeri- saiasi elitasy Kasem Sýleimanige jasalǵan amerikalyq áýe soqqysy álemdi dúr silkindirdi», - deidi sarapshy.
Sonymen birge, bul máselege shyǵystaǵy virýs máselesi qosyldy. Qytaidyń Ýhan qalasynda 2019-nCoV koronavirýsynan jańa indet órshidi.
«Qytaidyń iri ortalyqtary karantinge jabyldy. Kórshi eldegi epidemiologiialyq jaǵdai áli de aýyr, aýrýdyń taralý qaýpi de óte joǵary bolyp otyr», - dep atap ótti sarapshy.
Al Qazaqstanda Qordai aýdanynyń Masanchi aýylynda bolǵan jappai tártipsizdik kútpegen oqiǵa boldy. Onyń saldarynan adamdar qaza taýyp, turǵyndar materialdyq zardap shekti.
«Biraq elimizde jáne odan tys aýmaqtarda túrli pikirler men qaýesetter tarady. Osyǵan bailanysty memlekettik bilik deńgeiinde de, halyq arasynda da bolǵan oqiǵalardy egjei-tegjeili túsindirý mańyzdy. Qazirgi ýaqytta QR Prezidenti Qasym-Jomart Toqaevtyń tapsyrmasymen zardap shekken eldi mekenderde qalpyna keltirý jumystary júrýde. Óz kezeginde QR Tuńǵysh Prezidenti Nursultan Nazarbaev ta jaǵdaiǵa alańdaýshylyq bildirdi, onyń tóraǵalyǵymen Qaýipsizdik Keńesiniń otyrysy ótti», - dedi ol.
Jiyn barysynda ishki saiasat pen qaýipsizdik máseleleri qaraldy. Ásirese, jergilikti atqarýshy jáne quqyq qorǵaý organdarynyń, Qazaqstan halqy Assambleiasy men onyń aimaqtyq filialdarynyń jumys sapasyna erekshe nazar aýdaryldy.
Sonymen birge, Qaýipsizdik Keńesiniń Tóraǵasy respýblikada koronavirýstyń taralýy, onyń ekonomikalyq saldary tóńiregindegi jaǵdaidy baqylaýdyń jáne ýaqytyly shara qabyldaýdyń mańyzdylyǵyn atap ótti.
«Mundai sipattaǵy protsesterdi aldyn-ala ázirleý kerek. Sharalar tolyqqandy bolýy tiis, al turǵyndar arasynda dúrbeleń týdyratyn shamadan tys áreketterge jol berilmeýi kerek», - dedi Bolat Áýelbaev.
Aita keteiik, elordada QR Tuńǵysh Prezidentiniń tóraǵalyǵymen Qaýipsizdik Keńesiniń otyrysy ótti. Jiyn barysynda Jambyl oblysy Qordai aýdanyndaǵy jaǵdai, biologiialyq qaýipsizdikti qamtamasyz etý jáne koronavirýstyq infektsiianyń taralýyna qarsy turý máseleleri qaraldy.
.jpeg)