Qazaqstan strategiialyq zertteýler institýtynyń aǵa ǵylymi qyzmetkeri Silámjar Ahmetjarov Ulttyq qoǵamdyq senim keńesiniń 2-otyrysynda kóterilgen máseleler men usynystarǵa qatysty pikir bildirdi, dep habarlaidy QazAqparat.
«Ulttyq qoǵamdyq senim keńesi osy ýaqytqa deiin sarapshylar aityp ótkendei, qoǵam men bilik arasyndaǵy kópir ispettes. Keiingi ailarda ózińiz kórgendei, Memleket basshysy Ulttyq keńestiń árbir múshesimen jeke-jeke kezdesip, ekonomikalyq, áleýmettik, saiasi aspektterdi túrlendirý joldaryn keńinen talqylaǵan bolatyn. Sarapshylardyń, Ulttyq keńes músheleriniń usynystary Memleket basshysynyń dál búgin kótergen bastamalarynyń negizi bolyp otyr», - dedi sarapshy QazAqparat tilshisine.
Silámjar Ahmetjarov búgingi usynystardyń ishinde saiasi turǵydaǵy usynystardy erekshe nazar aýdarǵanyn aitady.
«Prezident kótergen bastamalardyń qai-qaisysynyń da mańyzy zor. Saiasi partiialardyń múshelerin tirkeýdi 40 myńnan 20 myńǵa azaitý, jala japqany úshin qarastyrylǵan baptyń dekriminalizatsiiasyn, mitingterdiń eskertýshi sipattaryn kórip otyrmyz. Osynaý ózgeristerdiń bári – bizdiń eldiń saiasi alańynyń liberalizatsiiasyn kórsetedi. Iaǵni, saiasi alańnyń básekesi arta tústi. Bul degenińiz basqa saiasi partiialardyń Parlamentke enýi jolynda kedergilerdiń alynyp tastalyp jatqanyn kórsetedi», - dedi ol.
.jpeg)