Foto: Pexels.com
Sarandaǵy barlyq úiler men áleýmettik nysandarǵa jylý berildi. Jylý berý ortalyqtary qajetti otynmen qamtamasyz etilgen. Qalanyń barlyq óndiristik nysandary shtattyq jaǵdaida jumys istep tur, dep habarlaidy QR Energetika ministrliginiń baspasóz qyzmeti.
Energetika ministri Almasadam Sátqaliev qazandyqtardyń, ortalyq jylý kóziniń, sondai-aq jylý jelileri men áleýmettik nysandardyń jaǵdaiyn tekserip, jedel shtab otyrystaryn ótkizdi.
"Qazir rezervte turǵan barlyq jergilikti qazandyqtar daiyndalyp, iske qosyldy. Jylý tolyq kólemde berilýde. Biz barlyq qazandyqtarda jylý berý temperatýrasyn baqylap otyrmyz. Qosymsha qazandyqtarmen keńeitý qajet bolǵan jerler de jaqyn arada keńeitiletin bolady. Turǵyndar buryn bolǵan eki qazandyq boiynsha suraq qoidy, bul úiler basqa jumys istep turǵan qazandyqtarǵa qaita qosyldy", – dedi Qaraǵandy oblysynyń ákimi Ermaǵanbet Bólekpaev.
Arnaiy komissiia qurylyp, onyń quramynda energiia qadaǵalaý ókilderi, óńirlik jáne basqa da vedomstvolardyń basshylary, TJD birlesip jumys isteýde. Ortalyq jylý kózin jóndeý kezinde jabdyqtardy jetkizýshi zaýyttyń mamandary shaqyryldy.
"Biz barlyq jylý kózderin aralap, jylýmen qamtý shemasyn qalpyna keltirý jumystarynyń barysyna jetkilikti túrde egjei-tegjeili taldaý jasadyq. Kelesi sheshim qabyldandy: ortalyq jylý kózi iske qosylǵanǵa deiin qalany jylýmen qamtýdy jergilikti qazandyqtar qamtamasyz etedi. Barlyq áleýmettik nysandar jylýmen qamtamasyz etilgen, barlyq óndiristik nysandar óndiristik baǵdarlamalarǵa sáikes jumys isteýde", — dedi Almasadam Sátqaliev.
Úilerge jylý berý aiaqtalýda. Jaǵdai energetika ministrligi men oblys ákimdiginiń baqylaýynda.
Aita keteiik, 13 qazan kúni Saran qalasynyń turǵyndary áleýmettik jelilerde úilerinde jylýdyń bolmaýyna bailanysty jappai narazylyǵyn bildire bastady. Osydan soń qala ákimi Erkin Baýlyqov Instagram-daǵy paraqshasynda jaǵdaidy túsindirip, turǵyndardan keshirim surady.
Premer-ministr Oljas Bektenov Úkimet otyrysynda Saran qalasyndaǵy jylý júiesiniń aqaýyna jol bergen adamdar jaýapqa tartylatynyn aitty.
Osydan soń Saran qalasyndaǵy jylý jaǵdaiyna bailanysty Energetika ministri bastaǵan komissiia quryldy.
